صورة من الحياة ..

[أبو الوليد]

السلام عليكم ورحمة الله وبركاته

سلام يا هل الفكر مـن بـال سفـطـان=تحيــة اهــل الهـيـل والشـاذلـيّـه
ابـدي بهـا مـن موقـع الفخـر نشطـان=واهــدي المعـانـي للـعقول الـذكـيّـه
يروي لنا التاريخ في بعض الاحيان = بلسان يفهم عوجها والسويّه
ويقول يا ماكان في ماض الازمان =يوم الدعا يُقبل من الله جزيـّـــه
ويناشد اهل الفكر عن واحــدٍ كان =فيـمـا مـضـى دايــم حيـاتـه هنـيّـه
ينهـض صـلاة الفجـر والصبـح مـابـان=ويـسـجـد لـوجــه الله ربّ الـبـريّـه
زاده من التقوى ولو بات طيَّــان=والنـفـس مرتـاحـه ولا هــي رديّــه
يعـرف طبـاع النـاس طـيـب ورديــان=ويسمـح ليـا جـاتـه جُـهـول الخطـيّـه
يعزف و يتركهـم علـى حـال منـصـان=مـا يعـرف الغيـبـه ورمــي الخفـيّـه
وما يلحق عيـوب البشـر لـو لهـا شـان=كـــــلٍّ لــــــه عــيــوبــه تسدّ المديّه
ولا اوْعدك مـا يخلـف ولـو جاك عميـان=يمشـي عـلـى درب الـوفـا والطـويّـه
والصدق مـن طبعـه ولا هـو بمـن خـان=يكـره كـذوب القـول راع الرزيّــه
وتلقـاهْ مـع ربعـه علـى الطيب طبـقـان=ومبعـد عـن اهـل الـمكر والعنجهـيّـه
ولا ضاقت الدنيا على بعض الاخوان =يرمي بروحه دونهم فالمنيـّـــه
دار الشريط وغيّــر الفلم شي ثان=تغـيـرت فـيــه الـعـلـوم النـقـيّـه
الصـدق ولّـى وانتهـى فـي خبـر كـان=والاّ المضـارع يـا خـذ اصـل القضـيّـه
وسـار النفـاق اشكـال وانـواع والـوان=ينباع في سوق البلى والهفيّــه
بعض البشر يلبـس ويمشي بتقنان=ويهـرج كمـا هــرج المـلـوك العلـيّـه
لـكـن قـلـبـه بالحـواقـيـد مـلـيـان=والضعـف فـي نفسـه وروحــه بلـيّـه
يذبـح سمـان الضـان سمعـه وعـنـوان=لا هــل المصـالـح والنـفـوذ القـويّـه
ولا جـاه ضيـفٍ قاصـد الخيـر طمـعـان=وصّـف لـه الفـنـدق وشـقـه قصـيّـه
ولا شـاف ( مليونير ) ضمّـه بالاحضـان=يسعـى ورا اهـل المـال واهـل الحضيّـه
يقول وش ها لحظ صادقت بطــران = أركب معه ( بي إم ) واصبح خويّـــه
ولا مـرّ به مسكـيـن زوّع بالالـحـان=أحسـبـك رَجَّـــالِ كُـفُــو للهديّـــه
ويَحْسبْـك لا سَلّمـت تشـحـد وجيـعـان=تسمـع صكيـك سنـونـه الـلّـي جلـيّـه
والاّ شبـاب الـيـوم مسكـيـن حـيـران=بيـن الديـون وبـيـن سـهـم المنـيّـه
يسهـر علـى الشيشـة وكرتـون دخّــان=ويرقـد عـن فـروض الصـلاة الزكـيّـه
يقلب نهاره ليل والعقل دمران = واليا نصحته قال وش فيك ؟ هيّـــه
مـن حظـه العاثـر تـعـزوا بشيـطـان=عاطـل ولا عنده كروت الهويّـه
محتـاج لـه مصـروف والجيـب طفـران=مـا كـنّـه سـعـودي حيـاتـه شقـيّـه
يسعـى ورى التوظيـف فـي كـل مـيـدان=رغــم الشـهـادة والعـلامـة بـمـيّـه
الشغـل مـا هـو عيـب لـو كـان فَـرّان=بـس البـلا يقْـلُــون ضِعف المهيـّـه
وهِـي طويلـة بــس نخـتـم بعـنـوان=مـعـروف للشـعـار والـبــدع لـيّــه
واللـي يبـي يعـرف زيــادة ونقـصـان=يرسـل علـى الـجـوَّال بـعـد التحـيـّه

==========

عبد الملك الخديدي

التوقيع

https://twitter.com/abalwled عَظيمةٌ أنتِ يـا أرضَ الرسَـالاتِ = يا مهبطَ الوحي فِي خَتْـمِ النبـوَّات أنْتِ السُّعُوديَّةُ العَلْيَـاءُ فِـي شَمَـمٍ = تَعْلُو عَلَى كُلِّ مَنْ تَحْـتِ السَّمَـوَاتِ

[عبدالرحمن الهيلوم]

صح السانك يالغالي

[السميــــــري]

ماشاء الله يابوالوليد ..

رائع في نظم الفصيح والشعبــي ..

أستاذ ..

والاّ شباب اليـوم مسكيـن حيـران
بيـن الديـون وبيـن سهـم المنيّـه
يسهر على الشيشة وكرتـون دخّـان
ويرقد عن فروض الصـلاة الزكيّـه


صدقت والله ..
صح لسانك على هذه الرائعة ..
ولاعجـــب لأنها من العجـــب ..!

[عبد الله@العتيبي@@]

الله الله عليك صح السانك





والاّ شباب اليـوم مسكيـن حيـران
بيـن الديـون وبيـن سهـم المنيّـه
يسهر على الشيشه وكرتـون دخّـان
ويرقد عن فروض الصـلاة الزكيّـه

[أبو الوليد]

المشاركة الأصلية كتبت بواسطة عبد الله@العتيبي@@

الله الله عليك صح السانك





والاّ شباب اليـوم مسكيـن حيـران
بيـن الديـون وبيـن سهـم المنيّـه
يسهر على الشيشه وكرتـون دخّـان
ويرقد عن فروض الصـلاة الزكيّـه

وصح بدنك

يعطيك العافية يا عبدالله

اشكرك على مرورك وردك الضافي

تحياتي

[أبـــــــــوقـــــــــاسم]

[صـــــــــــــــــــــــــــــح لـــــــــــســـــــــــــــــــانــــــــــــــــ ـــــك,,,,,,,,,,,,,,,
أنــــــــا أشــــــــــهـــــد إن الشــــــعــــــر جـــــــزله و مــــــعـــــــــــــــناه
عــــــنـــــــــد الــــرجــــــــال الـــلـــــي ســــواتــــك و شـــــرواك’’’’’’’’’’

[معلا إبراهيم الأسعدي]

صح لسانك على هذه الرائعة

التوقيع

[أبو نجر النفيعي]

..

ما شاء الله عليك يابو الوليد ..

صح لسانك على هالقصيده الجزله الرائعه ..

وفي انتظار جديدك بشفغ ..



أخوك

التوقيع

.....

[مرزوق حمدان العتيبي]

*·~-.¸¸,.-~*..
.
جزل ومبدع في النبطي والفصيح ...
صح لسانك ياعبد الملك ... ولاتحرمنا جديدك ...
*·~-.¸¸,.-~*

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[أبو الوليد]

الاخوان :
عبد الرحمن الهيليوم
السميري
ابو نجر النفيعي
شامان السعدي
مرزوق العتيبي

أشكركم جزيل الشكر على المرور والمشاركة .. وصحت ابدانكم جميعا.
بعض مما لديكم
تحياتي