قصيدة الشاعر ((غازي بن عون)) في المورسيدس

[بن عون]

السلام عليكم ورحمة الله وبركاته

[poet font="Simplified Arabic,5,white,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
ياراكب اللي تو جابوه من بون=احدث انتاج التقنيه فل كامل
على نظام مايضاها وقانون=جا عن طريق اللمس معه التعامل
نظام مطور ومتقن ومأمون=مبرمج على بصمات روس الانامل
على الهوى والهيدروليك والدركسون=والبستم اللي يرفعه والفرامل
من الداخل مفخم مراتب وطبلون=مرابته والسقف جلد ومخامل
اليا اشتغل بالهون يادوب يوحون=طلاسم مخفاه في صدر رامل
كن البساتم والبلوف يتخالون=متفاهمين فالعمل والمعامل
الحجم ست اميه كفارات بالون=ورقمه مميز مثل وسم الهوامل
كنه قطاه شافت الحوم واللون=لون المهاه اللي ربت فالمهامل
من مصنعه عشر سنوات مضمون=ضمان عن كل العذاريب شامل
يروّح من الطايف بعد مايصلون=كنّه نداوي على الطلع صامل
وليا تعدى ظلم يمشي على الهون=بدارٍ لراية حبها القلب حامل
ياحبتي لاجيتها لا تعجلون=حتى صورها في خيالي تكامل
محبوبةٍ شارك غلاها النون=بين الحنايا عامل لها عامل
عذرا منّول وجهها مزيون=واليوم مخلفتٍ بها العوامل
لا شفتها بيّحت ماكان مكنون=وتنجب عيونٍ بالعباير حوامل
تنشي مناشيها من الدمع بمزون=وقامت مثل ديم السحايب تهامل
من وضعها كنّي على اللجف مطعون=والحال ساملها من البين سامل
ماكن حل بربعها اسلاف وضعون=وعوارف ترفي فتوق الخوامل
صيدٍ دهاتٍ فالملمات ينصون=كعّامة العايل جمال المحامل
هم و الوفاء في كل ظرف يتخاوون=مخاوي الكبير سعود هوّ وزامل
رجالهم يبرز الطوابير فالكون=ولابن مهيد ولا خو هملا مزامل
الجود ماخلا بفعله منه لون =لشمايل الجود وللامجاد جامل
اهل بيوتن تكهن الضيف وصحون=بكنافها عاشوا يتامى وارامل
والنخوه الها عندهم يوم ينخون=تنغمش فالروس والها تنامل
وهيباتهم دون الوطن سور وحصون=ماهيب غفل للطماميع هامل
عن حدها للي يبيها يحدون=ويخيبون آمال ضد بها آمل
اقصد ذخر مارق وسطام بن عون=جمال تشيل حمول باق الزوامل
لا عدوا اعلام القبايل يعدون=قول يصان اعن الخنا والمجامل
وصلوا على الهادي عدد مايلبون=وعداد مايهمل من الوبل هامل
[/poet]

[الركن]

تسلم يمينك على هذا ألاختيار
قصيده اكثر من رائعه
يقول ضيدان بن قضعان

والله انك بالغلى فارقاً جدا ** مثل فرق الأبتسامه عن الكشره

وانا اسمحلي اسرقه واقول

والله انك بالمعاني فارقاً جدا ** مثل فرق الأبتسامه عن الكشره

ولكن اخيراُ عندي طلب وهي قصيدة الي على قافيه ايصه

ليت عقلي ...........سلعه بخيصه مثل عقل مخبلاً مامن تكانه
وبيض لله وجهك

[بن عون]

مشكورررر الركن،،

على المرور،،

أنشاء الله أحاول اجيبها لك،،

[خالدالعصيمي]

بيض الله وجهك على أختيارك

وسلمت يمينك

[بن عون]

العفو ياخالد وانتم تستاخلون اكثر ,,