كنت كاتب موضوع عن قصائد يوسف ويوم جيت بحطه هنا لقيتك اخوي عبدالرحمن سابقني ويشرفني ان احطه كرد في موضوعك
قصائد الشاعر يوسف العصيمي الاخيرة في شاطي الراحة
مساء العز يالحر النداوي =مساء الفـــخر يالقلــب المــداوي
القصيدة الاولى
للضيق في بعض العيون هلال
للضيق في بعض العيون هلال =مايطلع الاوالدموع حشود
واللي يقولون الدروب طوال =سلم عليهم والدروب سهود
سنين وانا راحل ونزال =ماجيت درب الاوهومسدود
ازريت اجاهدوالحمول ثقال=ولالقيت من التعب مردود
على كثرماعندي من امال =اصبحت احس ان الامل مفقود
ولاشعرت ان الامل لازال =حتى وقفت الماقف المشهود
حولت مثل السيل لامن سال =يشق الارض وينحت الجلمود
اسبق على رجليني الخيال =كله لعين العود وابن العود
قدامي جبال ووراي جبال =واناجبل ولاعليهم زود
عامين واهل الشعرباحسن حال=نجاحهم متواصل وممدود
نجاح لايذكر ولاينقال =لوان ابوخالدمهو موجود
ياشيخ وانت اللي ضربت امثال =للي طموحه ماهوب محدود
بنيتلك مجد وصنعت اجيال =وبذلت لاجل بلادك المجهود
وحطيتلك في كل قلب رحال =وحببت فيك ام العيون السود
البنت والا اللي مع رجال=مافيهم اللي ماتحبك زود
نهار ماللواقفين ظلال =والشمس مغشيه من البارود
لنك ذرا اللي يلبسن الشال =لاطاح قدام الجنود جنود
ولنك بحر ماينعرفله جال =من جزرك لمدك وكلك جود
ولنك لياجا فالفعول جدال =كسب العرب ناقه وكسبك ذود
سلمك سلام وحربك استبسال =وفالحالتين مجمل ومحمود
يابواليمين اللي تطش المال =يوم ان بعض الناس مامن فود
يمنا اليامدوا لها الفنجال =فنجالها من دلته محسود
القصيدة الثانية
رد علي كل اعداء النجاح سواء برنامج او شخص
اناكـان لـي وجهـة نظر لاتـزال الآن
اناكـان لـي وجهـة نظر لاتـزال الآن=على حالها والحال مايندرى بعديـن
على اللي مـورد كلمـةٍ مالها برهـان=يقول السنين تعلـم الرجل لكـن ويـن
لو ان السنين تعلـم وماهـوب غلطـان=اجل ليه اصدق ضحكة الناس الى ذلحين
حكايات وامثال وقصايد وهـرج لسـان=ماغير انتناقلهـا لاجـل نكسرالروتـيـن
ولاهي من السنّه ولاهي مـن القـرآن=ولكنها مثـل الدراهـم لهـا وجهـيـن
مثل من يقول ان آفة العالم النسيـان=ومثل من يقول ان الجمايل سواة الديـن
وانافي رقبتي ديـن عبـدالله وسلطـان =مقـادم كتايـب جيشنـا فالنهارالشيـن
سلاطين نجد اعيـال مـن وحّد الشتـان=مجدِّي الجهام معزي مطّـوع العاصيـن
حدود البلاد من الحديثـه ليـا نجـران=حكمها بشرع الله والسيف ابـو حديـن
عموماًً مثل ماقالوا الهرج لـه نيشـان=من البيت هذا نقطه وفاصـل وخطيـن
ليا صار يمديني على المـا واناعطشـان=ابشرب واعيّن خير واجلس واسولف لين
ارد الخبر والكلمه اللي وعدهـا حـان=ابقولهـا واعلّـم اللـي ماهـم داريـن
ليا صرت حلو لسان ماني قليل احسان=موفقني الله ومتجمـل مـن الصوبيـن
لأني وانا صادق علي الحـرام ان كـان=تكلمت فظهـور الاوادم وهـم مجفيـن
لكّن لاذكرت اني مسلّم علـى الرديـان=تمنيت ربـي لوخلقنـي بـدون يديـن
ابقول للـي ينطـح براسـه الجـدران=حسب ما اتضحلي فيه وحده من الثنتيـن
يإنه من الجدران متضايـق وزعـلان=يإنه يبي يطلع لكن ما يعـرف منيـن
ابتجاهله واسكت لوان السكوت احيـان=ضعف وانهزاميه وذله وكسرة عيـن
وانالاسكتّ اسكت لأنـي وسيـع ابطـان=ومتأكـد انـي لاضعيّـف ولامسكيـن
ابقـوم بحمـول الرفاقـه واناشقـران=يشيل ظهري حمل المجانين والصاحيـن
على شانهم والا انت ياممسح الريضان=تبي تتعـب وحنـا علـى حالنـا باقيـن
ملاحظة / تم كتابة القصيدة الاخيرة بواسطتي من خلال سمع القصيدة من القاء الشاعر لتخاشي الاخطأ المطبعية
يستحسن لظمان تشغيل مقاطع الفيديو استخدام برنامج Nokia Multimedia Player
ودي للجميع
ابن معيض
آخر تعديل ابن معيض يوم 27-Mar-2008 في 01:10 AM.
« آخـــر الـــمـــشـــاركــــات »
26-Mar-2008, 11:58 PM
((قصائد شاعر العروبه /يوسف العتيبي ))
العرض المتطور
