أنتي وطــــــــــــــن

[منصور البقعاوي]

المعذره دام ورّاد الهـوى ضامـي=بلّي عروقـه مـدام انـك تعديتـي
لاتتركينه صويب بجرحـه الدامـي=ساقتك الأقدار في دربه وقد جيتـي
جودي بوصلٍ وصاله مثل الأحلامـي=وزيدي عطى مدّتك لامنّك أعطيتـي
يسقي زمانٍ مضى يومي على أيامي=كنت أحسبك كل ما غبتي تناسيتـي
وأثرك على ما أشتهت نفسي وقدامي=لاغاب طيفك علىّ عدتـي وطليتـي
شوفيني بعينـك وخلينـي ونامـي=لني بضيع بهدب رمشك ليا أغضيتي
ما ملّتك هالحروف وحبر الأقلامـي=وأنا ارسمك في قوافي شطري وبيتي
وردٍ حماره يذوب بلمسـة ابهامـي=وعطره يفوح بشذاك اليـا تهاديتـي
إيه أعشقك عشق ضاقت منّه أنسامي=وفوق إعتقادك وما أرتبتي وظنيتـي
وبُعد المسافات باحساسي وأوهامـي=هذا عدا ما أفترضت وقلت ياليتـي
ليتي معك..منك..فيك تزيـد الآمـي=وش عاد لو في ظلوعي النار شبيتي
أنتي وطن في حدوده حب مترامـي=عيد إنتخابك يزين بيـوم تصويتـي
وغيرك يعيش بعنا محروم منظامـي=وياكثر صبري عليه وكثر تفويتـي
وان عوّدت للحقيقه موقفي سامـي=دخيل قلبـك ليـا همتـي وحبيتـي
عرفتي الحين إنـك سبـة إلهامـي=خلاص مـرّي بدربـي دام دليتـي

[محب الهيلا]

صح لسانك

مشكور وماقصرت

[عبدالرحمن الهيلوم]

صح السااااااااااااااانك يااااااااااااااااااااالغالي

[منصور البقعاوي]

الأخوان الغالين..

محب الهيلا

عبد الرحمن الهيلوم

بيض الله وجيهكم..

ومروركم محل تقدير..

تقبلوا تحياتي،،

[النخيــــــش]

صح لسانك



ويعطيك العافيه

[منصور البقعاوي]

النخيش

صح بدنك يالغالي...

وتسلم على المرور الطيب...