محمد الحويماني ... مشاعر مستعجله

[مرزوق العتيبي]

السلام عليكم ورحمة الله وبركاته

اول مشاركه في هذا المنتدى الشامخ بكم جميعا

محمد الحويماني قدّم الشعر بأبهى حلله وبكامل فخامته وهيبة وقاره

اتمنى له كل التوفيق والنجاح

واشكره على حضوره المتميز وبصمته الواضحه

وإليكم هذا الاحساس والشعور الذي أتى على عجاله

إرق يا محمد سنود ولا تهيّب = معك جمهور الشعر من كل ديره
البعيد يجيك قدام القريّب = والقريّب جاك والهقوه كبيره
فالك البيرق وفاله فيك طيّب = وانت ( صقر الشعر ) يا صحوة ضميره
وان غفا عدل الحبيبه والحبيّب = يا محمد جعل في الغفوات خيره
انت باقي في القلوب ولا تغيّب = وانت راجح في العقول المستنيره
شب عودك خلْ خلق الله تطيّب = شعر ما مثله ولا يشبه لْغيره

للجميع تحياتي

آخر تعديل مرزوق العتيبي يوم 01-Feb-2008 في 12:29 AM.

[نواف العصيمي]

وعليكم السلام ورحمه الله وبركاته ..


صح لسانك مليون ..

يعطيك العافيه .. وبيض الله وجهك

تثبيت

ولك التقدير والإحترام

التوقيع

[مرزوق العتيبي]

الله يبيّض وجهك يا نواف العصيمي على المرور الاول والتثبيت

ومحمد الحويماني ( صقر الشعر ) يستاهل


لك تحياتي وشكري

[مرزوق العتيبي]

مرحبا يا ابو عطا مليون

والكبير الله سبحانه


لا هنت على مرورك


تقبل تحياتي

[مرزوق العتيبي]

خلف العتيبي


مرحبا يا ابن مفلح


لا هنت على حضورك ولك بياض الوجه


تقبل تحياتي

[ابو عطا]

صح لسااااانك

كبير كبير يااااااااااولد العم

والله لايحرمنااا من ابداعاتك .

[خلف العتيبي]

وعليكم السلام والرحمه..

صح لسانك يا شاعرنا.. وبيض الله وجهك على الأبيات الأكثر من رائعه..

تقبل فائق إحترامي وتقديري..





خلف الدعجاني..

[فيصل المسعودي]

صح لسانك يابن العم

على هالمشاعر الوافية اللي يستاهلها شاعرنا

محمد الحويماني

جمع الادب والخلق والشعر الجميل

فاله المليون والبيرق ان شاءالله

وصح لسانك مره اخرى

شاعر وفي وجزل وغير مستغربه منك هالمشاعر الوفية

تحيات أخوك

فيصل المسعودي

[حمـد المقاطي]

صح لسانك

يا مرزوق

وبيض الله وجهك

التوقيع

بكل مكان لنا أحباب .. ويصعب علي الفراق .. لربما في يوم نلتقي ونعاود ذكرى الأحباب . !! سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ . !!

[مرزوق العتيبي]

مرحبا يا فيصل المسعودي

وشكرا على المرور العاطر

والله يوفق محمد في الدنيا والاخره وهو يستاهل


لك تحياتي