بسم الله الرحمن الرحيم
غزه محاصره من الزمره الكافره
وتمثل شاعرنا ابو طلال من خلال مشاهداته على شاشة التلفزيون من المجازر والمناظر المخزيه في غزة هاشم .
والابيات كالاتي :
غزه تنادي والعرب في صمت مخجل وانخذال=تخاذلوا واصابهـم ماصـاب رئيـس ليببـا
وين العرب وين العرب وين العروبه والرجال=العـار كـل العـار والذلـه لكـل اعريبيـا
عن نصرة اولى القبلتين اللي تشد اله الرحـال=بانـت بوايـن ذلهـم ياعيـب كتـل العيبيـا
القدس تنخاهم وغزه تحت بطـش الاحتـلال=سكانها تحت الحصـر والقصـف والتعذيبيـا
امالهـم تبـددت مافيـه حيـلـه واحتـيـال=وتلامـذة شـارون رؤس الكفـر والتخريبيـا
وبعض العرب حراس لاسرائيل مافيها جـدال=والبعض ينتتأبـه خجـل مايستطيـع يجيبيـا
معبر رفح مغلق بامر باراك ملعـون السبـال=لمنع السلاح اللـي يجـي بالـدس والتهريبيـا
باشارة من بوش صاحبنا سمـح لـه بالقتـال=الصاحب اللي صحبته غشش ماهو اصحيبيـا
المجرم السفاح ملعـون الثـوى شيـن القبـال=يضحك لنا من شان ياخذ قسمـه مـن البيبيـا
دنس بلاد الرافدين ونجـس ارضـه بالنعـال=وافعال حمال الصليب بساحـة ابـو غريبيـا
يبـي يبيـد مقاوميـن مايهـابـون القـتـال=وحماس ماتخضع لأوامر بـوش والترهيبيـا
انا مواطن ودي اطرح للعرب سين و سـؤال=وشلـون نستقبـل عـدو الديـن بالترحيبيـا
وحتيش لو مات الضمير اليعربي واهل النضال=غزه تقاتـل بالنيابـه عـن جميـع اعريبيـا
واهل الكنانه قيـدوا بمعاهـدات ابـو رغـال=ومسيلمـة عمـان مـولـودٌ بـتـل ابيبـيـا
ومهندس اسلو لو يطيع الرأي والنصح استقـال=ودحلان واشكالـه جـزاه النفـي والتغريبيـا
ومنظمة حمـاس نبـراس البطولـه والنـزال=مرفوعة الهامـات والهـا خبـره وتجريبيـا
نبرة غضب على موقف العرب
ملاحظة : هاشم جد الرسول صلى الله عليه وسلم الثاني دفن في غزه .
| التوقيع |
إن قلَّـت الوزنـه وربعـي مشافيـح ** أخلـي الوزنـه لربعـي واشـومـي
|
« آخـــر الـــمـــشـــاركــــات »
24-Jan-2008, 01:49 PM
وين العرب وين العروبه ؟؟ للشاعر ماجد بن عبود بن مغيرق
العرض المتطور
