الى الشيخ رشيد الزلامي - الهيـــــــــــــلا *** منتدى قبيلة عتيبة

ابراهيم العسيري · 24-Nov-2007, 04:41 PM

اهل الكرم والعز والطيب والنخوه
اسعد الله اوقاتكم بكل خير
يشرفني ان انظم اليكم في هذا الموقع الذي يحمل
اسم قبيله عريقه برجالها ومواقفها وتاريخها وحاضرها ..
ويشرفني أن تكون مصافحتي الاولى لكم هذه القصيده الصوتيه
المهداه الى الشاعر الكبير شاعر الوطن الاول
رشيد بن زيد الزلامي العتيبي
فلهذا الرجل في قلب كل حر على ارض هذا الوطن حب وتقدير
لانه رمز من رموز النخوه والحميه .. سمعنا عنه ولم نرآه
ولكن سارة الركبان بقصصه واخباره فكانت مواقفه حديث المجالس
ولا زالت حتى أصبح رمز وعلم من اعلام البطوله والنبل .
والوجه المشرق لأبناء هذا الوطن المعطاء .
اتمنى أن تنال الرضى والاستحسان .

لتحميل القصيده الصوتيه من هنا

تاريخنا حافل بذكر الاساطير =منها الخيال وشي منها حقيقه
امثال قصة عنتره وايضا الزير=وابطال كانوا في العصور السحيقه
اخبارهم جتنا بشتا التعابير=فيها يخالف كل راوي رفيقه
كانت حكايات السمر والمسايير=حتى ظهر في مملكتنا العريقه
فارس بطل شاعر فحل حر من طير=ذكره سرى بين البرى له بريقه
يشرب من الغيمه وغيره من البير=يسلك ذرى الامجاد محدٍ يعيقه
حازم وجازم في ردوده على الغير=لوباش صرعى من بحوره غريقه
واقرب مَثَل راعي الطبل والمزامير=ساعة تشدق واحتزم في فريقه
لكنّ جاه الرد مثل الاعاصير=او مثْل برقٍ.. شب فيهم حريقه
يا جاهل الفولاذ ودك بقصطير=تقطع حديد الصلب ..وايدك رقيقه
هذا الزلامي من كبار المشاهير=مثل العلم باين لكل الخليقه
الجود كفه والصدر منبع الخير=والعز نجله والتفاخر شقيقه
له في قلوب الناس حشمه وتقدير=كل ٍ تمنى يوم يصبح صديقه
ويلازمه في مجلسه والمشاوير=لنْ المعالي تُقتبس من رحيقه
اسمه يعطر صفحة المجد تعطير=واهل المروه سايرين ابطريقه
مكتوب في التاريخ ضمن المغاوير=لكن فرَقْ عنهم فروق الشهيقه
سيرته ما فيها تفاوت وتزوير=ناخذ علومه من مصادر وثيقه
وانشهد انه رمز عالي وتنوير=لاهل العقول النيرات الطليقه
هذا الزلامي له موده وتوقير=بقلوبنا صارت غلاته لصيقه
كل القوافي تنتظم في طوابير=عند الزلامي تعترض بالموسيقه
(رشيد) من نسل الرجال المناعير=اهل الشهامه والاصول العميقه
عتيبه اللي سطروا المجد تسطير=عدوهم يمسي ويصبح بضيقه
وانا العسيري والعسر عندنا يصير=يسير ثم نزرع بصخره حديقه
والعذر ثم العذر لاصار تقصير=مني ..فوالله صغتها بالسليقه

أخوكم ابراهيم العسيري

خالد المقاطي · 24-Nov-2007, 04:56 PM

واقرب مَثَل راعي الطبل والمزامير
ساعة تشدق واحتزم فـي فريقـه
لكنّ جاه الـرد مثـل الاعاصيـر
او مثْل برقٍ.. شب فيهـم حريقـه

الله الله

الشاعر : براهيم العسيري

يامرحبا مليون ولا يسدون

نتشرف بأنظمامك إلي هذا الكوكب الشامـ خ

ويشرفني ان اعانق هذه الشامخــه في المرور الاول

نزلت اهلا فحللت سهلا

اخوكـــ ::

ابراهيم العسيري · 25-Nov-2007, 01:56 PM

اقتباس:

المشاركة الأصلية كتبت بواسطة خالد المقاطي

واقرب مَثَل راعي الطبل والمزامير
ساعة تشدق واحتزم فـي فريقـه
لكنّ جاه الـرد مثـل الاعاصيـر
او مثْل برقٍ.. شب فيهـم حريقـه

الله الله

الشاعر : براهيم العسيري

يامرحبا مليون ولا يسدون

نتشرف بأنظمامك إلي هذا الكوكب الشامـ خ

ويشرفني ان اعانق هذه الشامخــه في المرور الاول

نزلت اهلا فحللت سهلا

اخوكـــ ::

الله يحييك ويبقيك اخوي خالد المقاطي

والشرف لي طال عمرك بتواجدي بين اخواننا بمنتديات عتيبة الهيلا

وشرفني اطلاعك وتعقيبك لاهنت وبيض الله وجهك

عبدالرحمن الهيلوم · 24-Nov-2007, 05:13 PM

مرحبا الف ومرحبا هيل ياصبي عسرا الهول 0 نعم اسال من عاش في مسلت وصبح والعضاضهو شوحط 0 وال يزيد وال غليظ وبني مالك 0عمر عشت واعرف عسير شبر شبر من السراه الي تهامه ورجال المع والنعم فيك 0 واما شالك المنتدي تشيلك اعيوننا 0 نعم تحيه لك ولرجال عسير الهول 0فانتم لي !!! عموما العتيبي يقول مراحب تراحيب المطر 0 ونور المنتدي 0

ابراهيم العسيري · 25-Nov-2007, 02:01 PM

اقتباس:

المشاركة الأصلية كتبت بواسطة الهيلوم1383

مرحبا الف ومرحبا هيل ياصبي عسرا الهول 0 نعم اسال من عاش في مسلت وصبح والعضاضهو شوحط 0 وال يزيد وال غليظ وبني مالك 0عمر عشت واعرف عسير شبر شبر من السراه الي تهامه ورجال المع والنعم فيك 0 واما شالك المنتدي تشيلك اعيوننا 0 نعم تحيه لك ولرجال عسير الهول 0فانتم لي !!! عموما العتيبي يقول مراحب تراحيب المطر 0 ونور المنتدي 0

الاخ الهيلوم الله يسلمك ويبقيك

ونعم بحالك يا ابن الاجواد

وتسلم لي عيونك الله لا يهينك ويرفع قدرك

المنتدى منور بوجودك يالعتيبي شرفتني باطلاعك وتعقيبك لاهنت