وين شعار المنتدى وينهم

[السيل-الحافي]

سلام الله وانا غايب واللي عنكم ثمان شهور= سلامٍ يشمل اللي شاشة الديوان قدامه
انا شاعر والي قيمه والي هيبه ولي جمهور=وبي من بينكم شاعر يقوم ويستلم زامه

[فهيد الايدا المورقي]

الله الله الله


الحافي صح لسانك على الجزاله


يعطيك العافيه

[السيل-الحافي]

صح بدنك وحضورك شرف يباخي الايدا

[مرجح الميزان]

هلا يامرحبا باللي يسلم.. والعلم منشور=على روس الجبال اللي ترست لآخر تهامه
يا ماشاء الله على الحافي..شاعر ويشقر الطابور=ولا له عيب غير انه يسولف بآخر أحلامه

[السيل-الحافي]

هلا يامرحبـا باللـي يسلـم.. والعلـم منشـور
على روس الجبال اللي ترسـت لآخـر تهامـه
يا ماشاء الله على الحافي..شاعر ويشقر الطابور
ولا له عيب غير انه يسولـف بآخـر أحلامـه
الله الله هستلم

يدوم ابك البقاء ياللي عن الشعار شلت الدور=عساك الشاعر اللي لاتقدم تثبت اقدامه
اشيل الدور يالميزان رايق خاطري مسرور = ورجلي ثابته في مشيها ماهي بنوامه

آخر تعديل السيل-الحافي يوم 19-Nov-2007 في 11:12 PM.

[مرجح الميزان]

الحمد لله مكتفي ..وآرد على السبع البحور=ولاني من اللي فاللقا تعجز تشيله عظامه
دوك الكلام المختصر ماهو كلام اللي يدور=أسمك دليلك..والجمل يهدر وقاضب خطامه

[السيل-الحافي]

الحمد لله مكتفي ..وآرد على السبع البحور
ولاني من اللي فاللقا تعجز تشيله عظامـه
دوك الكلام المختصر ماهو كلام اللي يدور
أسمك دليلك..والجمل يهدر وقاضب خطامه
استلم

ونعم بهيبتك وانته بحر حولك ثمان طيور= تحوم واتغطس واتسبح وحولك ناس عوامه
بني ربعي عريبه مايجينا من وراها قصور= تحوشون الفخر والمجدفوق اكتوفك وسامه

[مرجح الميزان]

البحر ياللي ماتعرف البحر لو انه يثور=الكافر اللي مايخاف الله يعلن له اسلامه
اقصور ماش قصور ..لكنك من الهم معذور=والحافي الله ياعرب يلوم اللي معي لامه

[مرجح الميزان]

أخوي الحافي شرفني اللعب معك

والختام عندك لأني في جهاد مع النوم وبكره دوام



؛تحياتي؛

[السيل-الحافي]

علا مك ضعة بالوصفه علامك ليه يادكتور= تشوف القطن وتحسبه من الديباج والخامه
عقب مازارك الجار الشمالي صار فيك أعثور= تلخبط ماتميز وش علي راسك من اعمامه

تصبح على خير هههههاه