الطيب لاتستغربه من هل الطيب اللي لهم في منهج الطيب خبره

[طنيان]

بسم الله الرحمن الرحيم

هذه ابيات قصيدة قليلة معبرة للشاعر الكبير محمد بن سياف بن الصاري الأكلبي

ابسط معرفة تفرق الطيـب و العيـب
= و التجربة ياخذ بها الرجـل خبـره

درب الوفاء قالوا ترى عسر و صعيب
= يلقى حلاته من شرب كأس صبـره

الطيب لا تستغربه من هـل الطيـب
= اللي لهم في منهـج الطيـب خبـره

أوسع على الاجواد من فيضة شعيب
= و اضوق على الانذال من خرم الابره

رأس بليا احساس ترى نقله تعيـب
= مثـل القلـم مـا ينفـع إلا بحبـره

و العظم لا منه فسـد مخـه يعيـب
= كسره يساوي عنـد راعيـه جبـره

و الامثال قالت كل طير ٍلـه لعيـب
= يدرع بما يـدرع و يشبـر بشبـره

وانتم سالمين وغانمين و السلام

[هندي العطاوي]

طنيان


صح لسان صاحب القصيده


ومشكور على الاختيار الجميل


وتقبل تحياتـــــي

[طنيان]

هندي العطاوي بعد السلام شكرا جزيلا لك على مرورك الكريم والاجمل من الاختيار مرورك عليه

[هلال الدوادمي]

أوسع على الاجواد من فيضة شعيب0000000و اضوق على الانذال من خرم الابره



""" اشهد بالله انه صادق"""

لاهنت والله يالغالي ....


الله يعطيك العفيه على الاختيار المميز


انتظار جديدك .....يالغالي


تقبل مروري

[طنيان]

المشاركة الأصلية كتبت بواسطة هلال الدوادمي

أوسع على الاجواد من فيضة شعيب0000000و اضوق على الانذال من خرم الابره
""" اشهد بالله انه صادق""" لاهنت والله يالغالي ....
الله يعطيك العافيه على الاختيار المميز انتظار جديدك ..... يالغالي تقبل مروري

اخي الكريم الغالي هلال الدوادمي داورد بعد السلام شكرا جزيلا لك على المرور و صح لسان ابن الصاري الاكلبي و من قال ما هان و يعافيك ربي و المميز مرورك عليها و ابشر باللي يسرك و اسلم و سلم و السلام