’,’,’, ( يانور ) رد الذود بالهون يانور ,’,’,’

[عمرالروقي]

0
مساكم الله بالخير
ابيات متواضعه000
كتبتها في احد مواسم الربيع0
الماضيه وها أنا أقوم بنشرها لأول مره0
وآمل أن تحوز لو على القليل من رضاكم000

(يانور) رد الذود بالهون (يانور)=خل الفحل يلحقك وأيضا المتالي
رد العشاير لاتفلي على القور=والبل ترى فيها يبين الخمالي
وأنته على طرد الحيا منت مجبور=عاين مغيب الشمس ردم الثقالي
بجمع لك الأغراض وأسبقك (بالمور)=دام الصلاة أديت والفي مالي
عسيت لي قفرن من الأمس ممطور=نبته جديد أنواع والجو خالي
أسقاه ربي بالمساء وسم شختور=برقه سرى بالليل فيه إشتعالي
أبطيت أخيله والحشا في مسرور=معي الشعر (يانور) ماني لحالي
غدران سيله كنها أنهار وبحور=مير البحار أملاح والغيث حالي
سطح الخباري يعكس الشمس بلور=فيه إنعكاس النور منظر خيالي
نبت الخزامى فيه جايله زهور=تشبه زوال ن بسطت بالتلالي
والصاهد اللي مابه جروف وصخور=ابشرك (يانور)بالغيث سالي
وأرض الطبيعه تجمع إسباع وطيور=وألا أم صالح تدرج به تلالي
شفت الضلاع اللي على البعد مزبور=خل الحلال يميل قطره عدالي
فل الغوالي وإجتنب كل مطيور=بعض الأوادم شوفها والجفالي
بعطيك نبذه عن خفا قلب محشور=فيه الهموم تجول نوب أجتوالي
إحكايه الهوجاس في بوك مسطور=من يوم شفت الغيم عانه طرالي
قمت أتذكر ماضي الوقت وعصور=يوم البداوه تاج والراس عالي
يوم المعسس يسهج الارض ويدور=لامر قيس الحول حول المحالي
صاب الحلال هزال والدرب معسور=حالن هزيل وحال قومه هزالي
يبغى يجيب العلم عن برق مذكور=اما جنوب الدار والا شمالي
وان جاب علم الرجع لا شك مشكور=وإن وكد العساس علم الخيالي
احالت البدوان مظهور مظهور=شدوا عن المقطان فوق الحيالي
أخلو جناب العد من صبح وبكور= ويم الحيا يسرون سود الليالي
وان صبح البدوان بالصبح منذور=يستبسل الفرسان عند القتالي
لان الاعادي ترصد الدرب بسبور=عال الجبال وعند روس المفالي
رحلة شقاوه تأخذ أيام وشهور=يتلون حرشا ماتجي بالسهالي
ملحا سناد قبال والبطن مظمور=من كسب قومن باللقا ماتبالي
يرعون نجد الجود وابليس مدحور=لون نجد العز مابه ظلالي
يوم البداوه عز والحال مستور=ماهمهم نقص ن يجي بالريالي
وان كان للمهموم (يانور) دكتور=انا اشهد ان البر خير المثالي
والا (الحظاره) زيف للغير ديكور=مانيب اواليها ولا هيب والي
(يانور) عمك من صناديد ونسور=من روس قومن ماتحب الميالي
ربعه عتبيه نار والإسم مشهور=نعم الرجال اللي تضد الرجالي
قومن على رقي العلا كنها صقور=ماتاكر الا عال روس الجبالي
تبني بيوت العز ماتبني خدور=روس الرجال مخلفين العيالي
وصلاة ربي عد ماطار عصفور=وعداد ماطل الشهر بالهلالي
على النبي الهاشمي جهر وسرور=فأول جديد القاق وآخر مقالي

0
وسلامتكم جميع
0
(هامش_نور:راعي الحلال (سوداني)

[عبيد المسعودي]

صح لسانك يالروقي
ماشاء الله
قصيدة جزلة
الله يهديك يالروقي؟؟!!!!!
مالقيت تطرح القصيدة إلا في القيظ؟؟؟
الله يهديك حركت الشجون؟؟؟
وألهبت النفوس؟؟؟
ذكرتنا بالربيع والخضار والابل؟؟؟
وحنا في غثى هذه الدنيا؟؟؟
لاهنت يالروقي؟؟

[عمرالروقي]

المشاركة الأصلية كتبت بواسطة عبيد المسعودي

صح لسانك يالروقي
ماشاء الله
قصيدة جزلة
الله يهديك يالروقي؟؟!!!!!
مالقيت تطرح القصيدة إلا في القيظ؟؟؟
الله يهديك حركت الشجون؟؟؟
وألهبت النفوس؟؟؟
ذكرتنا بالربيع والخضار والابل؟؟؟
وحنا في غثى هذه الدنيا؟؟؟
لاهنت يالروقي؟؟

0
0
صح بدنك ياعبيد المسعودي
ولاهنت على المتابعه
والجزاله مرورك الكريم
00000000
واكيد انا مانزلتها
الا ابيها تحرك الشجون
وشكرا على التعقيب الجميل
خخخخخخخخ

[ابوبجاد الرويس]

الله الله

صح لسانكـ

وبيض الله وجهكـ

وتقبل مروري يالغااالي

[عمرالروقي]

المشاركة الأصلية كتبت بواسطة ابوبجاد الرويس

الله الله

صح لسانكـ

وبيض الله وجهكـ

وتقبل مروري يالغااالي

0
0
ابو بجاد الرويس
صح بدنك يالغالي
وتقبل ارق واجمل تحيه
000000000000000

[السميــــــري]

مشرفنا الغالي :عمر الروقي ..

مااقوول الا مشاء الله عليهاا .. وعيني عليك باردة ..
صح لسانك يابن روق ..
قصيدة رائعة .. وصف والفاظ وأسلوب ..

بيض الله وجهك ..
والله يعطيك العافية ..


تقبل أعجابي ..

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع

[عمرالروقي]

المشاركة الأصلية كتبت بواسطة السميــــــري

مشرفنا الغالي :عمر الروقي ..

مااقوول الا مشاء الله عليهاا .. وعيني عليك باردة ..
صح لسانك يابن روق ..
قصيدة رائعة .. وصف والفاظ وأسلوب ..

بيض الله وجهك ..
والله يعطيك العافية ..


تقبل أعجابي ..

0
0
صح بدنك يالزميل العزيز السميري
ولاهنت - على المرور الكريم
والاشاده منك اقدرها واعتبرها
وسام على صدري وتقبل ارقو اجمل تحيه

[فيصل المسعودي]

صح لسانك ياعمر


على هالجزلة


تقديري

[عمرالروقي]

المشاركة الأصلية كتبت بواسطة فيصل المسعودي

صح لسانك ياعمر


على هالجزلة


تقديري

0
0
الزميل العزيز فيصل المسعودي
صح بدنك يالغالي
وشكرا لمرورك الكريم
والجزاله هي حضورك
0000000000000000

[متعب العصيمي]

الله يلوم اللي يلومك ياعمر...

صح لسانك مدد بلاعدد.. قصيده جزله من راس جزل ..

سجل اعجابي .. ودام الأبداع..

ولك جزيل الشكر وفائق الإحترام..