صـــــــــــاحي ومجــــــــــــــنون

[أبو جواد]

أبنــشد الـعقــال وأهــل الــشطاره ###### الله خلق بالناس صاحي ومجنون
الـعــاقــل بـيفـهـم ولـو بالإشــاره ####### وهـذاك مايفهم لو تقلب الكــون
عمرك سمعت أن التخلف حضارة ####### ولا الغبي يـجمـع ثلاثين مليون
ولا الــخــبل يـسكـن ببـرج الـتجــارة ###### ولا القبيح يصير سكبة ومزيون
نبي القــصايد كــاش ماهـي إعــاره ###### ولا نبي بندر ومخلد وأبن عون
ولا بـديـــوي والقــصايــد مــهــاره ####### ناسا تبي تخطي وناس يصيب


المعذره حبيت أداعبكم بهاذهي الأبيات علها تحوز على رضاكم وحبيت أبث روح التنافس والتحدي بإسلوب جديد

أخوكم أبو جواد

[أبو جواد]

المعذره على هذا الخطأ

ولا بديوي والفصايد مهاره ناسا تبي تخطي وناسا يصيبون

[ابوبجاد الرويس]

مشكور

ويعطيك العافيه

وصح لسانك

[أبو جواد]

أبو بجاد شاكر لك مرورك كاالعادة مرور الكرام تقبل تحياتي

[مخلف الهقاوي]

ابو جواد...صح لسانك..ابيات رائعه..ولك من روعتها نصيب

وحبيت اشاركك اخوي بهالابيات:

انشد وتلقى من فهم بالاشاره=قولٍ فهم معناه صاحي ومجنون
عمر التخلف مايسمى حضاره=ولا الغبي يجمع ثلاثين مليون
مير انشد اللي ساكنٍ بالعماره=وش تنفعه لاصار للناس مديون
والموتر الاقشر ونيت وغماره=ومفارقه كشخه وسكبه ومزيون
جاك القصيد اللي يجي بالجداره=والنعم في بندر ومخلد وابن عون
واذكر بديوي في بيوت المهاره=واذكر ابن حميد واذكر بن لعبون

[أبو جواد]

المشاركة الأصلية كتبت بواسطة مخلف الهقاوي

ابو جواد...صح لسانك..ابيات رائعه..ولك من روعتها نصيب

وحبيت اشاركك اخوي بهالابيات:

انشد وتلقى من فهم بالاشاره=قولٍ فهم معناه صاحي ومجنون
عمر التخلف مايسمى حضاره=ولا الغبي يجمع ثلاثين مليون
مير انشد اللي ساكنٍ بالعماره=وش تنفعه لاصار للناس مديون
والموتر الاقشر ونيت وغماره=ومفارقه كشخه وسكبه ومزيون
جاك القصيد اللي يجي بالجداره=والنعم في بندر ومخلد وابن عون
واذكر بديوي في بيوت المهاره=واذكر ابن حميد واذكر بن لعبون

مخلف الهقاوي صح لسانك وبيض الله وجهك أنت مبدع بمعنى الكلمة لكن ياليت يتسع صدرك لهاذه الأبيات ردا على مجارتك ياليت تركز شوي الدعوى تسلية وكلش ولا زعلك يالذيب هههههههههههههههههه


إن كان تبغاهها شطاره شطاره +++ والشعر أله معنى ومرمى وقانون
وأن كان تبغاهها عياره عياره +++ قافي على قافك ماهوش موزون
سيب الشعر يبني وشوف التجاره ++ أحلى وضع تهجم وهمه يصدون
يامخلف الهقوات سددت غاره للي عسـاهم بعد بــكره يصــلون
صبت الهدف بكل عز وجداره ____ يامخلف الهقوات تكرم ويخـسون
حبيت أبين لك رموز الرسالة ______ تمون يالــغالي بالحيل وتمون

[مخلف الهقاوي]

المشاركة الأصلية كتبت بواسطة أبو جواد

مخلف الهقاوي صح لسانك وبيض الله وجهك أنت مبدع بمعنى الكلمة لكن ياليت يتسع صدرك لهاذه الأبيات ردا على مجارتك ياليت تركز شوي الدعوى تسلية وكلش ولا زعلك يالذيب هههههههههههههههههه


إن كان تبغاهها شطاره شطاره +++ والشعر أله معنى ومرمى وقانون
وأن كان تبغاهها عياره عياره +++ قافي على قافك ماهوش موزون
سيب الشعر يبني وشوف التجاره ++ أحلى وضع تهجم وهمه يصدون
يامخلف الهقوات سددت غاره للي عسـاهم بعد بــكره يصــلون
صبت الهدف بكل عز وجداره ____ يامخلف الهقوات تكرم ويخـسون
حبيت أبين لك رموز الرسالة ______ تمون يالــغالي بالحيل وتمون

ارحب ارحب يابو جواااد صح بدنك ..

ابد كل اللي يجي منك نقبله يابعد راسي

وشهااادتك وسام اعتز به يالذيب ..

إن كان تبغاهها شطاره شطاره +++ والشعر أله معنى ومرمى وقانون
وأن كان تبغاهها عياره عياره +++ قافي على قافك ماهوش موزون

هههههههههههههه يادافع البلااااا ..دوك يالذيب

شبيت من راس الفتيل السجاره=دخانها بيتٍ من الشعر موزن
وكنّيت في صدري وذقت المراره=ونفثتها مرٍ وعلقم وطاعون
يالله دخيلك من صفات النعاره=افزع لنا ياالله يامجري الكون
وان كان جازت لك تبيها عياره=ان كان تبغاها على مثلي تهون
مابيني وبين التجاره سفاره=والشعر ماسيبه لو تقول مجنون
يابو جواد جيتك وشنيت غاره=غارة غلا مضمونها مثلك يمون

[أبو جواد]

الذيب مثلك عارفا وش مساره |||| ولى خبول الناس ماهــم بيدرون
لايعرف الوجهه ولامن جساره |||| صفرا شمالي مالهم أي مضمون
أبو جواد أخوك ســواق طـاره |||| سـواق من جملة رجالا يــسوقون
لكن بفن وذوق وعقل ومهاره |||| بعد التـوكل يطــلب من الله العـون
يامخلف الهقوات محلى الإثاره ||| خـصـوص لاصـارت عـبر الـتليفـون
وخـــتامهـا مني أحــلى عباره ||| ســلام لشــاعر والــي بيــقـرون


أخوك أبو جواد

[مخلف الهقاوي]

المشاركة الأصلية كتبت بواسطة أبو جواد

الذيب مثلك عارفا وش مساره |||| ولى خبول الناس ماهــم بيدرون
لايعرف الوجهه ولامن جساره |||| صفرا شمالي مالهم أي مضمون
أبو جواد أخوك ســواق طـاره |||| سـواق من جملة رجالا يــسوقون
لكن بفن وذوق وعقل ومهاره |||| بعد التـوكل يطــلب من الله العـون
يامخلف الهقوات محلى الإثاره ||| خـصـوص لاصـارت عـبر الـتليفـون
وخـــتامهـا مني أحــلى عباره ||| ســلام لشــاعر والــي بيــقـرون


أخوك أبو جواد

اخوي ابو جواد..

سعدت الحقيقه بمجاراتك

ولك مني اعطر التحايا..

واختمها بهذه الابيات ردا على ابياتك اللي كتبتها على عجاله..


والمعذره اذا لم توافق المعنى الذي اردته انت..لأن الفكر هاليومين ماش

مزبوط

يابو جواد ان كنت سواق طاره=اذهن على ناس بدربك يمرّون
اذهن ودربك قيس وجهة مساره=لا تدعم اللي في طريقك يسيرون
الشعر ماجيته بغيت الصداره=ولا بغيت اركض مع اللي يغنون
الشعر جبته ورث تاره بتاره=من عسكر المصعوك والناس يدرون
الله مااحلى السالفه والاثاره=اللي على قولك وعبر التليفون
من مثلك وشرواك نقطف ثماره=نبتٍ زرعته يارفيقي ولاتهون

[ابن معيض]

بيض الله وجيهكم ياعتاااابة

عز الله انا استمتعنا بهالمجاااراه

والشكر لكم جميع

لا هنتو

تحياتي لكم ،،