بسم الله الرحمن الرحيم
..
..
يقول احد الفلاسفه
غزو الفكر ....اخطر من غزو المدافع
احد من تأمركت عاداتهم....وتهلودت طباعهم ... واصبح عالمه المحدود "قريه صغيره
..
يقول
""البدو قطعه من الصحراء ...و لايملكون سوى ماتملكه الصحراء ""
دائما مايحاول دس السم بالعسل "مزحه برزحه" ويتهكم على البدو ..ويتباها باقامته السابقه بالخارج
..
..
"ملاحظه"
الاستاذ هاني .... هو اسمه
اما "عبيد" .... فهذا اسم دفعني لكتابة القصيده ....لااكثر
..
..
..
يقول
..
..
يااستاذ هاني..لاتجي سيـرة عبيـد =مادون حلـق عبيـد ياكـود قافـه
وصلت لمخ العظم ياابن الاجاويـد =وانت تحقن سمك بسمـن الظرافـه
يااستاذ علـم الامركـه والهلاويـد =هليودكم تشـرب حثـال السخافـه
عاداتنـا ..وطبوعنـا يالمقيـريـد =اغنى المنابـع مـن زلال الثقافـه
بـدوٍ فعايلنـا طـوالٍ سرامـيـد =ومن جمعنا يظهر فريـد الحصافـه
لحظه...ابضربلك مثل فيـه توكيـد =كيف التفرد..فـي زمـان الكثافـه
راعي غنم..وامي..ومستوطن البيد =عاش بزمن عز انتشـار الخرافـه
عدل مفاهيم البشر..واصبح السيـد =ووحد صفوفٍ يستحيـل اصطفافـه
ماللعجم بطلـوع الاقمـار تمجيـد ="ونبينـا" سبـع السمـاوات طافـه
ياستـاذ هانـي يازعيـم العرابيـد =يااستاذ نهـج العربـده والضعافـه
حنا حضارتنـا بناهـا الصناديـد =من قبل عصر السلطنـه والخلافـه
حنا الفراعن وقت طـق البواريـد =ندحم على الموت الحمـر مانخافـه
ولاتقبل نفوس الرجاجيـل رعديـد =لاصغر ولد فينـا تلامـع رهافـه
وحنا ذرى من عذبتـه المطاريـد =وحنا كرم حاتـم بوقـت الضيافـه
وحنا الفعـول الطيبـات المحاميـد =وحنا الشيم واهـل القيـم والانافـه
ولاكل من هاز الهدف ياصل الميـد =عجزت عيال العجز ماهـي نقافـه
ياكم طيرٍ عينـه تخـازر الصيـد =واقفى وخلى كـل صيـده خلافـه
يااستـاذ بـدوٍ مالنـا بالهرابـيـد =وللعلم فينـا حـب خـل وولافـه
نمـزج فنـون المعرفـه بالتقاليـد =في قالـب الطاعـه لـربٍ نخافـه
نقطف من اشجار المعارف عناقيـد =ولاكـل عنقـودٍ لنـا باقتطـافـه
بعض الثمر..قطفه يجيب المناقيـد =لو كان طعمه مثـل طعـم الكنافـه
وان قلت شجب..ويتلي الشجب تنديد =قلت ايييه ياويح النـدا يالرصافـه
لا والله الا العيد...جبنـاك يالعـيـد =من شاعـرٍ مابهرجتـه الصحافـه
اما تصـدر مـع عيـال الاواليـد =ولا فـلا تعنـي لديـه الوصـافـه
مـنقـولة وصح لسان قائلها
| التوقيع |
قال الشافعي رحمه الله: أركان الرجولة أربع: الديانة والأمانة والصيانة والرزانة.
قال الخليل ابن أحمد: التواني إضاعة, والحزم بضاعة, والإنصاف راحة, واللجاجة وقاحة.
اللهم أنصر من نصر الدين وأخذل من خذل الدين |
« آخـــر الـــمـــشـــاركــــات »
08-Jun-2007, 02:06 AM
قصيدة طالب موجهه إلى استاذه المتامرك
العرض المتطور
