قصائد الشاعر راجح بن نايف المغيري في يوسف

[سعد المغيري]

يوم إنتخى يوسف بربعه عتيبة
شبت شبايبنا وراحت عزاوي
وقامت رسايلنا تدك الضريبه
من كل حدب وصوب ماهيب تاوي
لين إعتلى يوسف برأس الجذيبه
وأخصام ابن عاصم هوو في المهاوي
حنا عتيبة متعبين النجيبه
الطيب وزع بيننا بالتساوي
أعظم قبايل مملكتنا الحبيبه
وإن قيل غاوي قلت مانيب غاوي
أذكارنا ماهيب عندي قريبه
أذكارنا طافت جميع النحاوي
ومن غير قاصر في الأصول العريبة
طيب القبايل قد حكاه الخلاوي
كل(ن) غني عن طيب غيره بطيبه
ذخر الرجال امزبنين الجلاوي -
أهل القنا وأهل السيوف العطيبه
لكن حنا مخلفين الهقاوي
حنا تعلينا النجوم الرقيبه
يوم إن بعض الناس في الأرض ثاوي
وليا إنتخى يوسف بربعه نجيبه
عجلين مافي صفنا من يراوي
يبشر بفزعتنا كتيبه كتيبه
تعرف عتيبه في اكبار الدعاوي
مادام كلن نجدته من قريبه
إزبن على العد القراح الرهاوي
ومن يزبن عتيبه عتيبه تثيبه
وأقبل تحيات إبن روق العطاوي

وقال ايضا

يا يوسف إرفع هامتـك والنظـر فـوق
دامـك عتيبـي فأنـت مرفـوع هامـه
واللجنة اللـي ظلمهـم شـئ موثـوق
الـعـار معـهـم لانـهـار القيـامـه
باعوا إذممهم بأبخس السعر في السـوق
سوق الخنـا ماهـوب سـوق الكرامـه
ويـن العدالـه ياهـل الغـدر والبـوق
ويـن الأمانـة والـوفـا والشهـامـه
خمسة ولافيكـم ولا شخـص حـاذوق
قـدر يخـالـف مــاورا الإبتسـامـه
الحقـد لـه بقلوبكـم رعـد وبــروق
حقد(ن ) دفين وراسـم(ن) لـه علامـه
يوسـف ظلمتـوه وسلبتولـه
حـقـوق ظلم(ن) مـن أسبابـه غشتكـم ملامـه
علي . . حمد . . غسان ماعندكـم ذوق
ياتركـي وسلطـان فيـكـم رخـامـه
ياشينكم فـي حـزة العسـر والضـوق
ويازينكـم لــو تلبـسـون اللثـامـه
لـو إنكـم عدليـن مافيـكـم طـقـوق
ماكـان جنبتـوا طـريـق السـلامـه
وأخذو جزاة المظلمـة سـم مسحـوق
من شعـر قـوم(ن) يحذفـون العمامـه
تكفـون يابرقـا وتكـفـون يــاروق
ياالعـزوة اللـي تحتمـون الجهـامـه
الخمسة إهجوهم هجـآ غيـر مسبـوق
كل(ن) علـى ماقيـل يكـرب حزامـه
شنوا عليهم حرب مـع كـل طـاروق
وأنتهجوا أسلـوب القسـا والصرامـه
نبـا نؤدبهـم ونصبـح لهـم عــوق
ومليونهـم نرميـه وســط القمـامـه
ولو إنها فـي وقـت شانـق ومشنـوق
والله لناقـف خلـف يوسـف وأمـامـه
ووالله لنأخـذ حقـه بـكـل فــاروق
مـن طبعـنـا مانقـبـل الإنهـزامـه
كم رأس شيخ(ن) من على الكتف محلوق
منكثـر مافـي روسنـا مـن قرامـه
حنـا عتيبـة مجدنـا غيـر ملـحـوق
مـن غابـر الأزمـان ولنـا الزعامـه
حتى إسمنا من طيب الأفعـال مفـروق
والشعـر حنـا اللـي مسكنـا زمامـه
ومادامـنـا بـرقـا ومـادامـنـا روق فالـعـز معـنـا لا نـهـار القيـامـه

[خبروها بالغلا]

صح لسان الشاعر راجح بن نايف المغيري

وبيض الله وجهك ياسعد على النقل

ويوسف يستاهل كل خير

[سعود بن مويسان]

بيض الله وجهه

صح لسااااااااااااااااااااااااانه


كل قصاااااااااااااااااايده جزله