البكا على الاطلال

[ساري 3]

بسم الله الرحمن الرحيم


هذي احدى قصايدي المتواضعه ياليت تعجبكم اقول فيها=


البارحه دمعي على الخد سكاب000
لا جه هملوله يعود بسكيبه0

للرجل حاجه فالبكا مير تنعاب000
ترا البكا للرجل ذلّ ومعيبه0

((ماني من اللي يبكي بحب الاحباب00
مرن غلاها ومر فرقا الحبيبه))0

والا الهوى لي فيه اقلام وكتاب000
وسيوف ورماح وجراح وكتيبه0

ابكي على حد قلبي بمشهاب000
منّه جروح القلب صارت عطيبه0

وقت يشب النار والريح تنساب000
ويزيد يشعمها ويشعم لهيبه0

وقت يصف الجيش والجند تنهاب000
والذل والخسران ماينتهي به0

وابكي على عمر(ن) قضيته وانا شاب 00
لاوالله الا جاني منه المشيبه0

وابكي على قلب(ن)رهيفن ومنصاب00
نصيب والدنيا نصيبه تجيبه0

وابكي بني عم(ن)غدوا مثل الاجناب00
و أ ول لنا فالعز ماكر وهيبه0

والبدو طقوا فالمداين بالاطناب000
وخلّوا ديار(ن) من ضعنهم مريبه0

وابكي على السرحان لي يلطم اذياب000
ياكيف هو يذعن لسيف الغليبه0

بكيت فيه لين بكّيت الاصحاب 000
مرحوم ياقلب(ن)بكايه صحيبه0



وسلامتكم ساري3

[مرزوق حمدان العتيبي]

...
.
قصيده طيبه ومحاوله جيده
لاينقصها سوى اختلال الوزن في بعض الابيات
...
اخوك

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[متعب العصيمي]

وابكي بني عم(ن)غدوا مثل الاجناب00
و أ ول لنا فالعز ماكر وهيبه0

ساري سجل أعجابي بالقصيده وراعيها
صح لسانك
موودتي

[ساري 3]

اخوي مرزوق العتيبي مساكالله بالخير يسزني مرورك الجميل ونقدك الاجمل0

ولاتشره علي تراهامحاوله مثل ماقلت ولها سنه مدفونه وفيه اجدد منها سترا النور باذن الله


ساري3

[ساري 3]

اخوي متعب العصيمي مساك الله بالنور ولاهنت على المرور الطيّب على الاطراء اللي

مايصدر الا من طيّب (اخجلتني)تحياتي لك


ساري3

[مشعل بن هريويل]

صح لسـانك



وشاعر كبيـر