كيف تعرف صاحب الرقم ولد ولابنت

[فارس المورقي]

خلونا ندخل في الموضوع احسن.
اول شئ موضوعي هذا فيه خبرين .. الاول ممكن نعتبره سار ، والثاني سيئ.
طبعا بقولكم شئ : الطريقه هذي اللي يقدرون يستفيدون منها هم اللي عندهم جهاز نوكيا الرهيب 2000 بس ، يعني اللي ما عنده الرهيب 2000 لا يزعل علينا .. يروح يبيع جهازه ويشتري واحد وبعدين يجي عشان يستفيد من الطريقه ..

الطريقه هذي تخليك تعرف جنس صاحب الرقم اللي انت راح تتصل عليه بس زي ما قلت لازم يكون عندك انت الرهيب 2000 وهو بعد لازم يكون عنده

طبعا راح تقولون (( والله لو انك ساحر)) اوكي انا راح اشرحلكم القصه ...
معروف ان اي شركه تقوم بتصنيع الاجهزه الالكترونيه وخصوصا الحاسبات الاليه والاجهزه الجواله يحطون برنامج داخلي خامل في كل جهاز مهمة البرنامج الخامل هذا هي انه يقوم بخلق عيب في الجهاز بمجرد تشغيل البرنامج ، بتقولون وش دخل هذا في موضوعك (( طيب لا تستعجلون )) خلونا حبه حبه

شركه نوكيا لما صنعت جهاز الرهيب 2000 كانت تتوقع له نجاح باهر في الاسواق عشان كذا حطت برنامج داخلي خامل في كل جهاز مهمته انه يسوي خلل فيها بمجرد تشغيل البرنامج ، وحطت كود ( شفره ) اذا ارسلت للجهاز سوف تقوم بتشغيل البرنامج الخامل هذا يعني الكود عباره عن المفتاح اللي يشغل البرنامج ..
وطبعا الشركه لأنها بتنزل في الفتره الجايه جهاز جديد تبي تطيح سوق الرهيب 2000 وتكره الناس فيه عشان يشترون الجهاز الجديد .. وش تتوقعون صلحت الشركه ؟؟؟؟
الشركه قامت بتسريب الكود (( الشفره )) اللي تشغل البرنامج .

بقى اقولكم وش مهمه البرنامج هذا ..
انت لما تكتب الكود في جهازك وترسله للرقم اللي انت حاب تعرف هو بنت والا ولد ، راح يشتغل البرنامج في جهاز الضحيه وعمل البرنامج هو انه يقوم بنسخ كل الارقام مع الاسماء المخزنه في جهاز الضحيه ويرسلها لك انت على شكل بطاقات عمل .. وكذا راح تعرف اذا كان بنت والا ولد

طبعا انت راح تكتب الكود على شكل رساله وبعدين تحفظه وترسله لصاحب الرقم اللي امه داعيه عليه او عليها

هذي هي الطريقه :

اولا : اضغط القائمه
ثانيا : اختر الرسائل
ثالثا : اختر كتابة رساله
رابعا : اكتب زي ما راح اقولك الحين
اضغط الزر 7 اربع مرات ( لازم تضغط بسرعه ورى بعض )
اضغط الزر 3 مره وحده
اضغط الزر 0 مره وحده
اضغط الزر # اربع مرات
اضغط الزر 8 خمس مرات
اضغط الزر 6 ثلاث مرات
اضغط الزر 8 مره وحده
اضغط الزر 7 مرتين
خامسا : احفظ الرساله في صندوق الحفظ
سادسا : اضغط زر الاغلاق الين ترجع الشاشه الى وضعها
الطبيعي
سابعا : ارجع الى الرساله المحفوظه وارسلها للرقم
المطلوب
ثامنا : انتظر الرد


الحين لازم كل اللي عندهم الرهيب 2000 يغيرون اجهزتهم والا بينفضحون


__________________

[الخديدي]

اخواني الكرام هذا المنتدي يمثل قبيلة عتيبة من الجنوب الي الشمال ومن الشرق الي الغرب اذا لبد ان تكون المواضيع بحجم القبيلة وتعطي انطباع عن ابناء القبيلة امام القبائل الاخري
اخي فارس العتبان
اولا موضوعك قديم جدا ومنقول من منتدي هدهد سليمان فلماذا لم تذكر النقل
ثانيا/الموضوع ليس حقيقة بل ضحك علي الدقون
ثالثا/نامل ان تكون مواضيعنا مواضيع مفيدة وحقيقة

[متعب العضياني]

مافيها شي لوجاب الموضوع وشاركبه بيض الله وجهه ريحنا لا نروح ندوره
وعلى الاقل انه شارك وانا اخوك
وهد اعصابك لايرتفع عليك الضغط

[الصمصام]

تراك في قسم الجوال

ولا تبغاه يحط قصيده هينا

هد اعصابك وانا خوك

تحياتي

الصمصــــام

[^^العصيمي^^]

تكفى طالبينك اعصابك ياخوك زعلت عشان موضوع لاحول الله يهديك

[ابن داعج]

وموضوع جميل