من قصائدي ( القصـــــــــــيدة ) - الهيـــــــــــــلا *** منتدى قبيلة عتيبة

الحمـــادي · 22-Mar-2006, 10:17 AM

السلام عليكم ورحمة الله وبركاته

احب اشارككم بهذه القصيده المتواضعه بعنوان القصيدة

إن شاء الله تحوز على رضاكم

سامحينـي يـا القصيـدة كـان خانتنـي الحـروف =وسامحينـي يـا الحبيبـة كـان طوَّلـت الغـيـاب
وإسمحيلي يا سحابـة كـان مـا شفـت الطيـوف =وساعديني يا حروفـي نرضـي إشمـوخ السحـاب
ليلتي الليلـة حزينـه .. والسبـب كثـر الحسـوف = عَــذَّب التأنـيـب قلـبـي بالمـلامـة والعـتـاب
وحاربتنـي كـل زوايـا البيـت برمـاح وسيـوف =وإطعنتنـي فـي ضميـر ٍ بـه تعاسـه وإكتـئـاب
يا الجليله .. يا الجليلـه .. إطعنـي حتـى الكتـوف =كانها ترضي غـرورك ... إطعنـي دون المهـاب
إطعنيني وإجرحينـي .. مـا بأحـس إبـأي خـوف = لآنِّك القاضي .. وحكمـك أقبلـه رغـم الصعـاب
ولآنِّـك اللـي تجذبينـي بالحـلا وأجمـل وصـوف =ولآنِّ قلبك كاس عشقي .. والمشاعـر بـه شـراب
ولآنِّك اللي تسرقيـن القلـب مـن صـدر ٍ وجـوف =إيـه حلالـك إطعنينـي .. وإهلكينـي بالـعـذاب
بـس تعالـي وعانقينـي دامنـي كلـي كـسـوف =جيت لك شخص ٍ قد أذنب في ( حقوقك ) ثـم تـاب
جيت أشيل القلـب لعيونـك علـى راحـة كفـوف =والأمـل إنَّـك تـداوي قلـب مـن حبـك مصـاب
آه لو تدري بحبـك ، كـان فـي حالـي تـروف = وما تخلينـي فـي ليلـي أطـرد أحـلام السـراب
وآه لـو تسـأل عيونـي .. أو تحلفهـا حلـوف=. كان تلقى ..( مووووت أحبك ): في نظر عيني جواب
وآآآآآآه لـو صوتـك يجينـي لا قريتـي هالحـروف = لأجل أعاهـد قلبـك إنـي مـا أكـرر ذا الغيـاب