هماليل للشاعر مشعل الشيباني

[ابن مشيب]

بسم الله الرحمن الرحيم


السلام عليكم ورحمة الله وبركاته


جريدة الجزيرة:

الشيباني يقدم هماليل


(هماليل).. ديوان صوتي جديد للشاعر مشعل بن شباب الشيباني يضم عدة نصوص شعرية في أغراض مختلفة.والشيباني من الشعراء الشباب الذين سجّلوا حضوراً جيداً في ساحة الشعر الشعبي من خلال (مدارات شعبية) وغيرها من الصفحات المتخصصة بالأدب الشعبي. علماً بان الديوان من تقديم عبد الرحمن حمد العتيبي وفيصل بن جذيان.

___________________



ونحن بهذا المناسبة

نبارك للأخ الشاعر/ مشعل بن شباب الصخيلي الشيباني , احد شباب الصحوة , إصدار ديوانه الصوتي الجديد , ونسئل الله ان يبارك له , وان يبارك فيه.


واختار لكم قصيدة من ابداعه , واحد الملاحم الحماسية , والتي نظمها في قبيلة عتيبة الهيلا , يقول:

ربعي عتيبه خوال المصطفى الهادي=اكبر فخر نحمله فـي كـل وجهتنـا
بحرِ امواجه تطم العـرق والـوادي=الغادي اللـي يبـي ياقـف بسكتنـا
روقه وبرقا لهم تاريخ مـن عـادي=قبيلـة والـدول تعـرف مكانتـنـا
ياجاهل في علـوم الطيـب ياغـادي=انشد وتلقى مع اهل العرف سيرتنـا
سيره تفوح بعبير المسـك والكـادي=على البسيطه ظهـر للكـل بصمتنـا
قولِ صحيحِ ماهو تزييف هربـادي=ماتثمر الا طلوع الطيـب شجرتنـا
حنا هوازن لحوض المـوت ورادي=حقوقنـا دونهـا تبحـر سفينتـنـا
ماهمنا كيـف والا كـم الاعـدادي=روس الافاعي تهاب تشوف جرتنـا
مانطلب من البشر فزعات وامـدادي=المـد مـن واحـدِ يعلـم سريرتنـا
وليا حصل فالامر مسرى ومهجادي=بامر الولي تاصل الاهداف غارتنـا
عن نجد زحنا القبايل غصب وعنادي=ماجتلنا كـود مـن قـوة عزيمتنـا
بقيادة الشيخ تركي ضد الاضـدادي=صوت وحنا لصوت الشيخ صوتنـا
ان جات للطيب نبني صرح الامجادي=طيبِ اساسه بني مـن وقـت قادتنـا
ورثِ ورثناه من تاريـخ الاجـدادي=مكتوب في صفحة التاريـخ عزتنـا
نمشي على مشيهم مافيـه محيـادي=بالطيب سـاروا ولحقتهـم مسيرتنـا
خوينـا مـن وراه ودونـه نفـادي=واليا عطينا العهـد ماتبـور ذمتنـا
الضيف يقرى بعود ازرق وبـرادي=ودلال صفـرِ بهـا تلقيـم قهوتنـا
والحيل من بعدها زفـات وافـرادي=لها الصواني معـده حسـب عادتنـا
يسلى بنا اللي حصله ضيق وانكـادي=ولاتشتكي من سقيط الهرج جارتنـا
نصونها من دناعـة كـل سرمـادي=ترفض يجيها هزيل القـول شيمتنـا
ماعمرنا للبشـر نخضـع وننقـادي=ماتنحنـي كـود للرحمـن هامتنـا
افعالنـا نحمـد الله طيبهـا بــادي=وليا كوينـا يحـس الخصـم كيتنـا
دخيلنا يهتنـي بالشـرب والـزادي=يامن بعون الولي في ضف نخوتنـا
سنه وشهرين بالـه عندنـا هـادي=ميزه لنا عن قبايـل نجـد خصتنـا
من دون زودِ علـى قبايـل بـلادي=لاشك هـذى حقيقـه عـن قبيلتنـا
وصلاة ربي عـدد ماحـن رعـادي=على رسولِ بشـرع الديـن قدوتنـا

تحياتي

[أبو فيصل]

ماشاء الله

والله قصيدته جزلة

الله يوفقه إن شاء الله

و نتمنى له المزيد من التوفيق

لاهنت يابن مشيب

تحياتي

التوقيع

لا إله إلا أنت سبحانك إني كنت من الظالمين

[فواز الشيباني]

قصيدته جزلة ومعانيها قويه

ابن مشيب ياراعي العلوم الطيبه

مشكور على الطرح المميز والمواضيع الرائعه

تغيب وتجيب الجزله الله لايحرمنا من تواجدك

[((الدلبحي))]

الله يوفقه والف مبروك

ابن مشيب

ماقصرت

تحياااااااااااااااااااااااااااااااتي

[فيصل المسعودي]

مبروك لمشعل الشيباني


الديوان الجديد


وتشكر ياغالي على الطرح الجيد


تحياتي

[ابن مشيب]

الاخ العزيز/ فهد الشيباني

ومن قال لاهان , ونتمنى التوفيق للشاعر مشعل بن شباب , واشكرك على مرورك , وتواصلك الجميل


كل التحايا

[ابن مشيب]

الاخ العزيز/ فواز الشيباني

انت الطيب , وانت صاحب الجزالة , ومرورك على مشاركاتي تاج شرف , واشكرك على تواصلك الجميل



تحياتي

[ابن مشيب]

اخي العزيز/ (( الدلبحي ))


القصور عنك بعيد , واسعدني مرورك الكريم , واشكرك على تواصلك الجميل


تقبل تحياتي

[ابن مشيب]

الاخ العزيز/ فيصل المسعودي


لاشكر على واجب , ومرورك وتواصلك يسعدني دائماً , فلا تحرمنا هذا التواصل الجميل



تحياتي

[منصور بن فهيد]

الف مبروووووووك ويستاهل

ونتمنى لشعراء عتيبه الهيلا التوفيق انشالله والمزيد من الدواوين

ولا هنت يابن مشيب

تحياتي

التوقيع

man.9.our@hotmail.com