تزين المثايل يـوم اغنـي وأنـا مسرور
تجملنـي أبيـات القصـايـد وأجملـهـا
عتيبي وربعـي عزوتـي قـدوة الطابـور
على العز يـا سـاس الشهامـة ومنزلهـا
وبعد شفت ما يفرح صدور ويغيظ صـدور
الأصحـاب بفرحهـا والأقـزام يزعلـهـا
تحزم عتيبي مـن رجـال تحكـم الشـور
جـرد سيـف عرفـه للقبايـل ونازلـهـا
يغني على المسحوب والا على المجـرور
تنقـى وجانـا بأطيـب الغيـد وأجملهـا
يعيد الزمن نفسـه وسـود ألليـال إ دور
وتبقـى النجـوم ولا تغـيـر منازلـهـا
عتيبة هل الطالـة عتيبـة هـل الدستـور
مـن أول قبايلهـا إلـى أقصـى قبايلهـا
عتيبة هل النخوة هـل البيـرق المنشـور
ولـو تجهـل الجهـال محـد ٍبجاهلـهـا
ليـا قالـو الهيـلا وجـا للمـشـوك دور
على اخصامهـا انهالـت قبيلـه بكاملهـا
ولن سيقت ألعطفه وقام الرصـاص يثـور
ونختهم وطـار إخمارهـا عـن جدايلهـا
تبيع الرجـال أعمارهـا والعمـار كسـور
ولعيونهـا تكـسـر قبـايـل وتذهلـهـا
كسبنا ونعم بطيب خاطـر ماهـو مجبـور
لاقال الرسـول انعـم بهـا مـن يبدلهـا
ولن جا مجال الشعر والشعر فيض شعـور
عتيبة مـن اللـي مـا تشوقـه مثايلهـا
ترانا ملوكه من سنيـن مضـت وعصـور
يقولونهـا الـعـراف مـانـي بقايلـهـا
ملكنا بحور الشعر زدنـا البحـور بحـور
بحوٍ يطيح أطلق شنـب قبـل يـا صلهـا
ولا همنا المغـرور لـو سانـد المغـرور
الأول تحصلـهـا وألا خــر تحصلـهـا
ولا همنا أهل الزور لـو يشهـدون الـزور
الأفـواه نلجمهـا والأعـيـان نكحلـهـا
لنا ضربة الهيبة قبل ضربة المشهور
كسرنـا هـل ألغـاره قبـل لا نقابلـهـا
اجل كيف لو صارت مجابـه ودق إنحـور
الأرضين تحـت أقـدام الاعـدا نزلزلهـا
وتاريخنا تـاج الفخـر بالذهـب مسطـور
مواقيـف مـجـدٍ واضـحـات دلايلـهـا
ما جانا بحب اخشوم وألا مـن الميسـور
ومـن يجهـل أخبـار القبايـل يقابلـهـا
ولا قول في سموا القبايـل ردى وقصـور
لسمـوا القبايـل فعلهـا اللـي يجملـهـايا
| التوقيع |
القاف لن باحت قوافيه ينهار= يشيب لاكنه معي مايشيبي
وصرفت من بالي تصاريف بيطار= ينقد مثامين الكلام ألأديبي
وبنات فكري بالمثامين تجار= وعلي مايصعب صعيب الصعيبي
ولأقول ما غيري من الناس شعار= لأكن ميزة شعري إني عتيبي
أسمٍ بنا في عالي المجد ميكار= عز الرفيق منزحين الحريبي
|
يوم أمس, 11:27 PM
عتيبه
العرض المتطور
