يا وجودي وجد عود ضعيف مايقوم = وطته سود الليالي وهو عالي مقام

[هبوب الجنوب]

السلام عليكم ورحمه الله وبركاته

اخواني اعضاء هذا المنتدا الرائع لقد كنت اتصفح منتداكم ووجدت هذه القصيدة منزلها الاخ الفاضل بن نعيس ولم يكن يعلم بأسم شاعرها فأحببت ان اخبركم بأسمه وهو الشاعر عبدالرحمن بن محمد الاكلبي واعتقد انه اضاف لها بعض التحسينات

اتمنى ان تستمتعوا بقرئتها فهي حقا رائعه وحزينه الى حد البكاء

يا وجودي وجد عود ضعيف مايقوم = وطته سود الليالي وهو عالي مقام

ماتوا اعياله وماله غدا في ظرف يوم = ولا بقا له كود ورعن على حل الفطام

ماتت امه يوم جتبه وهي ثكلا رحوم = ودعت به جدتة يوم حافتها السهام

زاد همه هم لكن رجال كضوم = ويا وجودي يوم نادى ولا مخلوق قام

ساكنن له وسط شعبن فواريسه تحوم = من عواها تالي الليل ما يقدر ينام

يوم لد ولا عجوزه تنادي قوم قوم = الذيابه شالت اصغيرنا جوف الظلام

قال تكفي ساعديني على الذيب الغشوم = البصر ولا وحيلي عجز يقوا المقام

راحت تنادي بليلٍ تقفته السهوم = ويوم بان الصبح جاته تحشرج بالكلام

قال علمك قالت العلم ما يبغى علوم = ما بقا من من رجيناه يا كود العضام

يا حسافه قالته قال يا بنت القروم = لاتشبي قلب عودك ترا حالي عدام

راح وقت قد ملكنا الفيافي والحزوم = لا نزلنا وسط شعبٍ تضايق من الخيام

اشهقت من بعد ما استرجعت ذيك العلوم = وفاضت النفس الزكية على هاك العدام

صاح باعلا الصوت ياليل ياليل الهموم = صيحةٍ منها حنايا الصدر راحت حطام

الزمن لو يفرحك يوم ما يفرحك دوم = عيشةٍ ذي تاليتها عساها للعدام

لا تغرك لو برق برقها بين الغيوم = او لمحت نصوبها راكزه وسط الغمام

بد من يومٍ عجاجه تقفاه السموم = لا ادبرت ما كنها يوم عاشت في سلام

[هبوب الجنوب]

اتمنا من يعرف التنسيق ان ينسقها