محاااوره... اقرب واحد والبحر مسحوب

[فهد العجمي]

سلام رديه تنافس علا القاف
واللي يبا الميقاف يكرب حزامه

نبغى نجيب العلم ونصيب الاهداف
مثل الجمل ونقودها من خطامه

[نواف المري]

صح لسانك يالعجمي وبنتظار قبيلك

[فهد العجمي]

صح الله بدنك

[مجول بن جلال المقاطي]

المشاركة الأصلية كتبت بواسطة فهد العجمي

سلام رديه تنافس علا القاف
واللي يبا الميقاف يكرب حزامه

نبغى نجيب العلم ونصيب الاهداف
مثل الجمل ونقودها من خطامه

والله ودي اجاريك يافهد لو كان بيتك الثاني صحيح

والجمل ينقاد وليس تقودها حطيته ناقة الله يهديك

[فهد العجمي]

اسف خطا مطبعي


لكن بغير لك الشطر كله ابشررر

[فهد العجمي]

سلام رديه تنافس علا القاف
واللي يبا الميقاف يكرب حزامه

نبغى نجيب العلم ونصيب الاهداف
هذي بدايه والنهايه سلامه

[مجول بن جلال المقاطي]

يامرحبا والقاف يحتاج عراف = ويصعب على ضعيف المعرفه نظامه
خل الهدف واضح على راس مشراف = وكلن يقوم ونجدته من حزامه

[نايف الثبيتي الروقي]

الله الله

صح لسانكم جميعآ

فهد العجمي
مجول المقآطي

متآبع لكم يا القروم |~

[فهد العجمي]

حنا ترا نقراك منته بتنشاف
ياللي علا ماقيل شايش هيامه

اهل الحجاز اللي عتيبه بالاطراف
ما باقي الا يسكون ابتهامه

[مجول بن جلال المقاطي]

موجود في مجلس عريبين الاسلاف = راعي اشداد ولا التفت للمسامه
يالعجمي اللي داخلن بين الاحلاف = ومنزلك مابين الحسا والمنامه