المستحيله .. !!

[سعد المسـعودي]

بويتات .. أمل الإستحسان :




..

بركان صدري ثايره يدّرج له = عامين والخافي مبارك ذلوله
مجبور لأمره وإن عصيته فلج له = برهان قول ٍماثبت له مقوله
شعري يطيع وجابره ماهرج له = والمستحيله خاضعه ومعقوله
حار القدم وأحتار فكر ٍ نهج له = وأسخا من الغبات مرجان لوله
شاعر وغيري فالبحر من نسج له = بحر ٍ يميّز عدلها عن ميوله
الفكر يغزي والهدف لادمج له =يروي مواريد الظماء لاظموله
رميت مغزاها وشعري سرج له = وكسبه من الشرّد تجيك معزوله
نوخت ركبي في حما من زعج له = والعمرماعمّر يزول بسهوله
أنا وغيري فالهوى من بهج له = وأرخص بروح ٍ لاطلبها عجوله
لحيّ الزمن سيفٍ لياملت عجله = على صليب العظم حموت نزوله
قلب العناء من شوف عينه نهى أجله = منهاج عن نهجه مدارج حلوله
بحرالضياع اللي مغاريق نجله= ترحال ياطرف ٍ نعس من ذبوله
غريق بحر الحب من مات لأجله = عبور كرته من ضحايا فدوله
يدفع لهيبه جمرة ٍ تدّهج له = من لونها شوقي حمار لقبوله
أستيسرالخفاق ساعة لعج له= فلج حجبها من شفاه معسوله
القلب روحه مخّليه ويهدج له = ولاجف محجر وجنته من بلوله
أعذب مناهيله من فرات دجله = وأصدق من اللي في مدالج ثعوله
نبات سكر خلقته مامزج له = ذايب مناحل سدرها من فضوله
كم من ضرير ٍ داير الحول حجله = على ملاهيده ثقايل حموله
أبقا ويبقى بالعطب لو فرج له = أغلال سجنه ماعفت ضيق جوله
صوت الطرب مني طروب ٍهزج له = على وتر حزني رقص لك زعوله

..



الحرالأشقر

التوقيع

[أبن حشيان]

الشاعر القدير / سعد المسعودي



صح لسانك يابو يزيد ولو مالك مجاري في بنيت البيت وتحديك في القافيه


ولاكن ان شاء الله راح احاول اجيب على الاقل بيتين مثها ان ساعدفني الحض


وترا ماني واثق من كلامي ولاكن ماقول الاء الله يعطيك العافيه

[فهيد مقعد الرويس]

صح لسانك وعتلى شانك

ياسعد ابداع لايستغرب

تقبل اطيب تحيه

[ابن سلوم الهيلوم]

مبدع ياسعد صح لسانك

[فهد الدقيس]

( الحر الأشقر )

تـُشرق شعرا ً وتغسل ظلمة الليله الفائته بنور قريحتك
تجذب الدهشه من كـُل حدب ٍ وصوب وتجمعها تحت رداء قصيدتك مـُعلنا ً لنا ميلاد نص لا يموت ,
نص نحيا به ونعيد النظر فيما نكتبه حين نقرأه ونقرأك

اعدك .. سـ أظل أقرا لك وللأبد
لأن ثقتي فيما تكتب تعبر كل الحدود بك ومعك

[ثامر القثامي]

يا سلام يا سلام


نص فاخر

وشاعر جزل



لا اقول الا صح لسااااانك ملييوووووووووووون



تحياااتي واعجابي

التوقيع

abu-faisal--1111@hotmail.com

[حمود بن خيشوم العصيمي]

الحر الاشقر








صح لسانك واعتلا شانك


ابدعت كعاداتك لا غرابه

تحيتي

[راعي القوافي]

لا هنت يا المسعوووووووووووووودي