بسم الله الرحمن الرحيم
بداية نبارك للشاعر الكبير / حبيب العازمي زواج شقيقه ضيف الله وإبنه الملازم فيصل ونتمنى لهم التوفيق وعسى أيامهم كلها أفراح ..
ويسرني أن أنقل لكم هذه القصيدة الجميلة للشاعر الجميل : سعود بن حسن العريفي والتي كُتبت في هذه المناسبة وكم تمنى شاعرها أن يلقيها في المناسبة ولكن الظروف حالت بينه وبين رغبته .
نسأل العلي القدير أن تزول ظروفهم ومايرون مكروه .
[[إهداء لحفل حبيب العازمي ولقبيلة العوازم الكرام]]
علشان ابوفيصل وفيصل وضيف الله=تشرفت بالدعوه ولبيت للداعي
مواريث عاصي قدرهم فوق ونجله=مكانه من الهامه ليا حدب الأضلاعي
سلامي على اللي قوموا بالوفا مله=وسلامي على صيت ن من أمجادهم ذاعي
شبا سيف طلحه لابغت طلحه تسله=مجان العصاه اللي لها العاصي أطاعي
لهم بيرق ن لا كبرت القاله تفله=على حدوة الحادي يشاعيهم الشاعي
ولهم عند قوم صنيدح وصدر عبدالله=حساب ن مهوب حساب بالمد والصاعي
حساب ب يفرق كل خلن عشق خله=على خيرة الله والبخت يظهر الباعي
هل الديره اللي مابعد قيل محتله=وهل الفزعه اللي ومنت رعية الراعي
ولهم فالسخاء دل ن يكود العرب دله=قبل نعمة الشبعه وتحسين الأوضاعي
ولهم جيرة مصيونة ماتج الزله=وشكل التطبع مايحالي للأطباعي
سجيه من الله حطها طبع وجبله=ليا صار فالأطباع تقليد وصناعي
ولهم شاعر لاغني القاف في حله=يغني على سبعة بحور ن بلاقاعي
وغير الشعاره فايز ن بالثنا كله=لياذكر فالشعار يحمد بالإجماعي
يمينه نديه والعرب تطمع بظله=ليا صار جاه فلان ماهوب شفاعي
وإله ماقف مع روس ربعه رفا خله=وضمد لنا جرح غدت فيه الأسناعي
أبوفيصل حبيب وماقلت كفوله=ووجه الحقيقه ماتقنع له قناعي
وجده حبيب عز الأبواش عزا له=وترك في مثاني نجد مدهال ورباعي
مع مطيريوم مطير صاروا خوال ن له=يجوب الريادي بين مشتى ومرباعي
وعلى فلوة عبيان يفعل ويفعل له=مع العزوه اللي ذكرهم فج الأصقاعي
فعول ن حفظها كل تاريخ بسجله=ماهيب الحجايا فوق دله ومقداعي
وتقدير لحبيب وفيصل وضيف الله=تشرفت بالدعوه ولبيك يالداعي
الشاعر : سعودحسن العريفي
منقول
« آخـــر الـــمـــشـــاركــــات »
10-Dec-2011, 12:39 AM
إهداء لحفل حبيب العازمي ولقبيلة العوازم الكرام
العرض المتطور
