انت مستور العصيمي وش تبى بـ معمر ( حبيب و مستور ) ...

[بندر المقاطي العتيبي]

بسم الله الرحمن الرحيم



السلام عليكم ورحمة الله وبركاته



طاروق لـ الشاعر/ حبيب العازمي مع الشاعر/ مستور العصيمي ...

حبيب العازمي

يالعصيمي قيس حظك و النصيب مقدر /:/ و اعلم ان العافيه تنقز على المتعافي ..
انت مستور العصيمي وش تبى بـ معمر /:/ وش يحدك مع طريق معمر القذافي ..

مستور العصيمي

الليالي المقبله لـ حمولها من يقدر /:/ خلها تفهق شويه لا يبين الخافي ..
يا حبيب ما نبى شر النهار الاقشر /:/ يا مكافي من بلاها كافنا يا كافي ..

حبيب العازمي

الهدف سجل هدف مير الحكم قد صفر /:/ و انت لاعب محترف و تسجل الاهدافي ..
الك حول القرن تقرى فـ الكتاب الاخضر /:/ و العرب حجج لا تسعى ولا تطافي ..

مستور العصيمي

البلاء فـ القايد الغشاش ولا العسكر /:/ يا حبيب ما لقينا الا السراج الطافي ..
ما تضيق ابنا الدروب ولا تضيق الخطر /:/ و المشاكل كلها ما غيرت ميقافي ..

حبيب العازمي

من يصدق ظل قرن الثور روع عنتر /:/ حظ من يرمي لحافه فـ النهار الدافي ..
في زمان بديوي الوقداني الله يستر /:/ لو تغنيها عتيبه ضاقت الاشرافي ..

مستور العصيمي

انت ما قوى ظهرك الا حليب الفطر /:/ و القمر ينشاف ليل و ليل ما ينشافي ..
العرب حطوك يا رجال تحت المجهر /:/ و الزمن لو جار ما نرضى عليك اخلافي ..

حبيب العازمي

المراره بـ الغضاره حلها بـ السكر /:/ و الحليب اللي يجي لك من حليب الصافي ..
الحقيقه بينه لـ الناس ليش تفكر /:/ لا تحرى لك قصيده من سعود الحافي ..

مستور العصيمي

انت تدري يا حبيب من ورد من صدر /:/ و الضعيفه ما نباها عندنا تنعافي ..

آتمنى ان يرتقي لـ ذايقتكم ... آخوكم/ بندر المقاطي

الطاروق حصري لـ منتدى الهيلا ...

آخر تعديل بندر المقاطي العتيبي يوم 10-Nov-2011 في 12:08 PM.

[عبدالله جبارالعتيبي]

طاروق عليه الكلام
تسلم على النقل يابندر

التوقيع

يالله يامنجي نبيك من الحوت=وعالم بكل الناس واللي وراها تغفرذنوبي كلها قبل ماموت=أنته ملاج الناس ونت الإلاها عبدالله المقاطي

[بندر المقاطي العتيبي]

المشاركة الأصلية كتبت بواسطة عبدالله جبارالعتيبي

طاروق عليه الكلام
تسلم على النقل يابندر

هلا و غلا يا عبدالله و من يقول طال عمرك و شرفني مرورك يالغالي ..

[فهد علي العازمي]

العرب حطوك يا رجال تحت المجهر /:/ و الزمن لو جار ما نرضى عليك اخلافي ..

نعم نعم

صحت ألسنتهم

[بندر المقاطي العتيبي]

المشاركة الأصلية كتبت بواسطة فهد علي العازمي

العرب حطوك يا رجال تحت المجهر /:/ و الزمن لو جار ما نرضى عليك اخلافي ..

نعم نعم

صحت ألسنتهم

هلا و غلا يا فهد اي بالله صحت السنتهم و شرفني مرورك يالغالي ..

[محمد ابن رووق]

محاوره قويه



والمقاطي داخل بقوه في تنشيط القسم

[بندر المقاطي العتيبي]

المشاركة الأصلية كتبت بواسطة محمد ابن رووق

محاوره قويه



والمقاطي داخل بقوه في تنشيط القسم

هلا و غلا يا محمد و المقاطي تشرفه خدمة ربعه و شرفني مرورك يالغالي ..

[فتى بقيق]

انت ما قوى ظهرك الا حليب الفطر /:/ و القمر ينشاف ليل و ليل ما ينشافي ..
العرب حطوك يا رجال تحت المجهر /:/ و الزمن لو جار ما نرضى عليك اخلافي ..




انت تدري يا حبيب من ورد من صدر /:/ و الضعيفه ما نباها عندنا تنعافي ..


؟؟؟؟؟؟؟؟؟؟؟؟؟؟؟؟؟؟؟؟؟؟؟؟ البيت المحذوف فيه معنى عميق الساس

نعم مستور /د.شعر

[فهد علي العازمي]

المشاركة الأصلية كتبت بواسطة فتى بقيق

انت ما قوى ظهرك الا حليب الفطر /:/ و القمر ينشاف ليل و ليل ما ينشافي ..
العرب حطوك يا رجال تحت المجهر /:/ و الزمن لو جار ما نرضى عليك اخلافي ..




انت تدري يا حبيب من ورد من صدر /:/ و الضعيفه ما نباها عندنا تنعافي ..


؟؟؟؟؟؟؟؟؟؟؟؟؟؟؟؟؟؟؟؟؟؟؟؟ البيت المحذوف فيه معنى عميق الساس

نعم مستور /د.شعر

المحاورة إنتهت مافيه شيء محذوف
وإذا لها تكملة عندك عطناها

[فتى بقيق]

المشاركة الأصلية كتبت بواسطة فهد علي العازمي

المحاورة إنتهت مافيه شيء محذوف
وإذا لها تكملة عندك عطناها

سمعت ان هذا بيت مستور الغير وارد ضمن المحاورة........

يامبشر بالسفر ما جبت غار الفقــر=البيوت إنا تذري وانت بيتك سافي