مرحبا بالشاعر اللي يجي والعلم خير

[غالي الرهافي]

مرحبا بالشاعر اللي يجي والعلم خير = دلة الرسلان اباسوقله فنجالها =شاعرن واغوص في غبة البحر الغزير = واعرف اللي يجلب من العلوم جزالها

[غــانم الفضـلي]

ياسلام ياسلام


صح لسانك ياغالي


وصح لسااان قبيلك لاحقا

[هلال هليل الشيباني]

البقاء واللي كتبه الولي لازم يصير
كلمتن يالقرم ميزان منهو قالها
شاعرن لاجاء المواقف معي سيفن شطير
واعرف علوم النقاء دقاقها وجلالها

[غالي الرهافي]

شد كل الحيل لاتبتلش ولا تحير = الحموله مالها الا ظهور جمالها= ادري انك نشمي ان جا النهار المستطير= مير اظنك مع هل الطيب حالك حالها

[هلال هليل الشيباني]

المدرس ياصحيبي تحت حكم المدير
والشدايد مالها الا ياكود رجالها
انحت الجزلات واهدر مثل هدر البعير
والجزيله مثل غالي يعقد حبالها

[غالي الرهافي]

ماني معلمك درب السنع منته غرير = يوم جتك الكارثه وانثبرت قبالها =الهوى يلعب بغترتك والمشلح قصير =الاذاعه لايشوش معاك ارسالها

[ذعير العالي]

صح الساااااااااااانك ياغالي
وصح السااااااااااان هلال الشيباني

[هلال هليل الشيباني]

فاطري ذبي مع الدرب موضوعك خطير
ون حرنتي بعدها حالتك يرثالها
العشب مابه عشب والغلا كيس الشعير
فاطرن يالعنبوها ضعيفن حالها

[هلال هليل الشيباني]

صح لسانك ياغالي
والختام عندك
وتشرفت باللعب معك


تحياااااااااااااااااااااااااااتي

[غالي الرهافي]

شفت حبه وقعت في رحاتن تستدير =احسب لمظهار رجلك قبل مدخالها= فاطرك ياهلال يالسوق بعها واستخير = لا تشكوى بيعها لوبسعر عقالها