قبلان مهنا الشيباني

[عابـــــر]

قصيدة الشاعر الكبير / قبلان مهنا الشيباني

اتلزا لو انا ماني بلازي=وانقضى عمري على صبر وتلزي
خاطري مكسور تكسير القزازي=وكن في صدري مسامير تغزي
اثر حتى الرجل يطويه النحازي=لو تظاهر بالمعزه ما أستعزي
يا وجودي يا ثقيلين المرازي=زينة المجلس ثمر قلبي وعزي
راحو الغالين والربع العزازي=لا ذكرت فراقهم قلبي يفزي
فزت الشاهين ولا فرخ بازي=بالنظر حقق على طلعه ونزي
من بطن هدلان ليا بطن الحجازي=كا ماقع فيه قبر مبرهزي
قبر من حاز المراجل بامتيازي=فزعة العاني وعوق المستفزي
لحقوا اقطاب المعارك والمغازي=قبل ما يظهر على الدنيا معزي
لابة هزت كيان ما يهازي=فوق صرة نجد بيرقهم يرزي
و انتهى عصر القسا والأبتزازي=وانعم الميشوم ما يلقى مجزي
وابتدينا بالجفا والانحيازي=والتباغض والتفرق والتهزي
من نشدك من الجماعه يابن غازي=قل يقزرها على صبر وتلزي
لين يجتاز آخر الشوط اجتيازي=والا ذل ايحل في جنب الأعزي

[فهد العازمي العتيبي]

..

صح لسانه ابن مشيب

ولاهنت ياعابر على النقل ،،،

التوقيع

للتواصل على تويتر https://twitter.com/falotaibi5115 ،،

[متعب الند]

صح السانك...

[فهد الشيباني]

صح السان قبلان
لاهنت ياعابر













..

[محمد الذيابـــي]

,’


صح لساااااااااااانه

ولاهنت على النقل الرائع.


,’

التوقيع

التوقيع محمد الذيابـــي

[عابـــــر]

صحة ابدانكم جميع وشاكر مروركم ،،،

[قلب الرياض]

صح الله لسان ابن مشيب

وشكرا للطرح الرائع

[عابـــــر]

صح بدنك يا قلب الرياض وشكرا للمرور ....