سليل المجد ..و .. صلب هوازن .. للشيخ : ناصر دحيم بن وهق المرشدي

[سعد المسـعودي]

مع التحية والتقدير .. لكل عزيز وقدير ...
بموقعنـــــا الشامخ ... إهداء متواضع .... لقلوبكم الطاهر ه ...

للقصيدتين المتواضعتين التـــاليه ... ولإرنباطهما ببعض ككونهما .. بإنسان ... عزيز على قلوبنــا
نحن أبناء الهيلا .... ألأ وهو الشبخ : ناصر بن دحيم بن وهق المرشدي العتيبي ..
آمل إن تلقى ولو القليل من أستحسانكم ...


()()()
()()
()
()
()()
()()()



النص الأول : سليل المجد .....


.

..

....


.. نعم .. وإنــه لمن . رمزية الفخر والأعتزاز . إن يشاهد أحد أبناء قبيلة الهيلا .. مثل ماشاهده هذا يوم الخميس
24/ 11/1430هـ . بالأحتفاليــة .و لما قام به الشيخ / ناصر بن دحيم بن وهق المرشدي العتيبي . بمزكز الخضاره . التابعة لمحافظة عفيف . لتكريم ضيوفه المحتفى بهم من مشايخ وأعيان القبائل .. العزيزه كذلك ولماشاهدته من حضور 80% من مشايخ قبيلة عتيبه ... وشهادة حق كان المقام .. مذهل وتاريخ مجد للهيلا ككل وليس للمراشده .. حيث كان مساحة الصيوان 100×30 .. والذي أستضاف مايقارب والله العالم حوالي الــ 600 شخص ... وحيث تم تغطية هذا الكرنفال عن طريق قنـاة الـأماكن ...
وبهذه المناسبة ومن ضمن شعراء الهيلا ,, تشرفت بتلبيتي لدعوة أبن وهق ..وبمشاركتي بهذا النص المتواضع


.

..

....

بإســـــم الله الرحمن رب ٍ رحيمي = فرد ٍ صمد رب المخـــــاليق رحمن
يامن لغيب الكــــون وحدك عليمي = غيرك فلا يعـــــلم به إنس ٍ ولاجان
تعــطي بلا منه كـــــريم ٍ عظـيمي = يامن فرقت الخلق وأكرمت الإنـسان
حكــــيم في منعك وتعـطي كــريمي = يالله عســــى حسن المخاتيم غفران
وأعــداد ماذعـذع وهب النســيمي = وأعــداد مانـادوا لفرضـك بـالأذان
وأعــداد حاضــــــرنا وماض ٍ صريمي = وأعــداد ماغنى القماري بالأغصان
طاح الحــــياء وأخضر عود ٍ هشـيمي = مالت غصــونه بالزهـر عقب ماكان
ســـــلام مســـلم نابع ٍ من صميمي = صــادق صــدوق بوقـفته وين مابان
وإن قيل ناصر .. ميلها يســـــتقيمي = راع الشـداد أسم ٍ تسطر من أزمان
ياأبن وهق شـــــــــعري بجزله نظيمي = ولا لي عذر لا غبت ياطير حـوران
ياطيب ســـــــــاسك من زمان قديمي = ياشيخ ناصر وأنت للطيب نيشان
وسلام بإسمك .. عنك..مني..سليمي = أحلى من الماء سـلسـبيله لعطشـان
للعــــــارفه ســـــــفطانها والفهيمي = للحاضرين ضيوفنا..عنك.. سفطان
أغلى من الــدر النفـيس الكــــــــريمي = والعـــود الأزرق طيبها غال الأثمان
وأبن وهق كفواً لشــــــــــــــد البريمي = أســــم لياذكروا هل الطيب عنوان
وأماَ ماتنجــــــــب مثل ناصر عقيمي = ولا أقـول في غيره عن الزود نقصان
نادر ســـــــــــليل المجـــد مثله عديمي = يقــود ماينقــــــاد .. قــايد وربان
شـــــيخ ٍ من الهيلا .. بطوش ٍ حليمي = بالفعــل قبل القول ..قولي ابرهان
معدال حق ٍ لانصــــــــــــــاه الغـــريمي = من عــــادته مايبخس الحق ميزان
عـــقـوبة ٍ للظــــــــــلم .. ند وخـصيمي = ماتاخــــذه فالحق لومه من لسان
مع ذمتـــه يخـســــى بليــس الرجيمي = غريزة ٍ بالشــــيخ من ورث جدان
عز وفخر منهم .. لنا .. مســـــــــتديمي = لطامة العايل شــــــيوخ ٍ وفرسان
ماعن رووس القب رجل ٍ غشـــــــــيمي = فارس وغـــا والخد للخيل ميدان
والخـــــــــــــاتمه يارب وانت العـظيمي = طالبك تجــــــملني بقولي والاوزان

()()()
()()
()
()
()()
()()()


النص الثاني : صلب هوازن .....


.

..

....

بمناسبة حفل زواج الشيخ :عبدالله بن ناصر بن دحيم بن وهق المرشدي ...
المقام بدرة المملكـة بالريـــــــــــــــاض ...في ليلة الجمعة 26 / 7 / 1431هـ
والمغطـــــاه عن طريق قناة المختلف .... وبوسط حفل ٍ بهيج .. أزدحمت ذلك الصالة الشاسعة بمساجتها بحضوره المشرف .. ومن بين نخبة الشعراء المتألقون .. والذين أزداد عددهم مافوق
الخمسة عشر شاعراً .. كان من أبرزهم الشعراء المعروفين : مرير الحمادي .. وفالح فزيّز الشيباني
وسعدون الهرس وفهد مدله المرشدي ... ومماحضيت به من دعوة ٍ كريمه تشرفت بإن أكون ضمن أحد شعراء هذه المناسبة ... حيث شاركة بأكثر من قصيدة كالقصيدة التاليه .. وغيرها كتلبية ٍ لماطلب مني
ولكم نص المشاركة التي ولله الحمد لاقت إستحسان الحضور..


.

..

....

الشعر موقف والمواقف حقايق = حقايق ٍ تحسب على من حسبها
وثايق الشعار تبقى صدايق = ويارد بها القاري على من كتبها
يصخي بها المنان رب الخلايق = اللي جمع تقوى العجم مع عربها
مواهب الخلاق ماجت درايق = واللي تصنّع عرفها مانهبها
في حلوق أهلها لاتوالت طلايق = اللي عن نحاسه يميز ذهبها
معسول صافي من لسانه لذايق = وتبقى وسيمه من كتبها نسبها
منه الصدور الضايقات الغلايق = من ضيقها ينزاح عنها نشبها
بنات ابوهن كلبوهن توايق = كم جولة ٍ لاحول ٍ به كسبها
من جل قولي ماجلبت الدقايق = وعيب ٍ على اللي مايكمل طلبها
واليوم جاه الله لياجيت سايق = مقدار جاهي قدره عن غضبها
مادام صرنا فالزمان وعتايق = أدرك مطاليبي وتلقى سببها
والمدح يزهى طيبين العرايق = اللي لحاها محتميها شنبها
لاصار للعلياء تصافت عشايق = صدارة ٍ تسبق وغيره عقبها
ماجوب حشمه منزل له و لايق = ناره شبوب ولاطفت من حطبها
موثق ٍ ساسه وهق بالوثايق = سطوة يمين ٍ ماقصر به حدبها
على سياق أهل الوفاء والفرايق = وسرحان عينه عن كراها حربها
ودحيم أبو ناصر لنثرالدلايق = دم النحور ألياولاها صلبها
وعلى سياق المرجله والتفايق = يثني لها ناصر وروحه جلبها
لاكبرت القاله وعنها فهايق = يقدم وبأسمه عزها لا ندبها
ليارقى يسكن طوال الشهايق = منزال ساس له وفعله كسبها
وعليه عبدالله زبون الطلايق = كم من جموع ٍ تشتكي من عطبها
محيط جوده والسخا به دفايق = تفيض ابه كف العطا لاقضبها
الحر يشهر في طويله أموايق = يكسر فناجيل الرهن لا شربها
وجه ٍ يبشر بالسعد والطرايق = خيال قبن ماتثنى به عصبها
أجمال حملٍ شالته دون عايق = اصدور يضحك للثقايل رحبها
العزوه اللي تعتزي ماتضايق = ثوب ستير وطامعه ما سلبهّا
بشت ٍ ضفاء يوم السنين الفتايق = عون الضريراللي شكى من تعبها
مراشده للرووس ماهم لفايق = من صلب روق اللي هوازن نجبها
الموقده تشعم بنارالحرايق = ولسانها ما ينقصر عن لهبها
أدخيلهم ينعم بريف وحدايق = عز البيوت بحصن سور ٍحجبها
ما الله خلقها في زمنها علايق = وقار رفعه للمعالي نصبها
مراجع ٍ ماهيب قول و نفايق = تقصر هقاوي قاصر ٍ ما قربها
كم من رقابٍ تحت حده عتايق = من عفوهم رب المكارم وهبها
الساعه اللي قربتني دقايق = حازت رضاي ومطلب اللي رقبها
أسماء التهاني والفرح والبطايق = أهديتها مبروك وأسمي صحبها
قولي وجب ياموثقين الحقايق = للعرف والعريف واللي حسبها

.

..

....


أخوكم : سعد المسعودي

( الحرالأشقر )

التوقيع

[عـقـــــــــــاب]

صح الله لسانك ونعم بك و بالممدوح ياسعد

[سعد المسـعودي]

المشاركة الأصلية كتبت بواسطة عـقـــــــــــاب

صح الله لسانك ونعم بك و بالممدوح ياسعد

الغالي : عقــــــــــــــــاب

صح بدنك ...
ولــاعليك زود ..


بالأصالة والنيـــابه ..


أحترامي

[متعب الند]

للعرف العريف والي حسبها

[سعد المسـعودي]

المشاركة الأصلية كتبت بواسطة متعب الند

للعرف والعريف واللي حسبها

الغالي / متعب الند
تشرفت بمرورك المشرف

أحترامي

[بدر فلاج]

صح لسانك اخوي سعد
ابدعت
وابن وهق يستاهل
المدح
لاهنت
تقبل مروري واحترااامي

[سعد المسـعودي]

المشاركة الأصلية كتبت بواسطة بدر فلاج

صح لسانك اخوي سعد
ابدعت
وابن وهق يستاهل
المدح
لاهنت
تقبل مروري واحترااامي

الغالي : بدر فلاح
من قال .. لاهان ...
وصح بدنك ..
وبيض وجهك لطيب المرور

أحترامي

[شامان]

يستاهل الشيخ ابن وهق ..

شيخ وسلالة شيووخ ..


وصح لسانك ياسعد المسعودي

وبيض الله وجهك .

[قـنـاص الـقـوافي]

دائما تداعب مشاعري بماتطرح يالغالي
صح لسانك ولاهنت يالجزل
تحيتي لك

[أبن حشيان]

الشاعر القدير سعد المسعودي
ــــــــــــــــــــــــــــــــــــــــــــــــــ ــ


الله درك ماجمل ماتقول وصح لسانك واعتلاء شانك

اقسم با الله انك تستحق بوست راس على كلامك العذب

وابن وهق يستاهل المدح والايهون شيوخ عتيبة كافة


لك مني اجزل الاحترام والتقدير