قصيده تنبيه لكل مؤرخ في الانساب.. - الهيـــــــــــــلا *** منتدى قبيلة عتيبة

أبو مرحبا · 18-May-2005, 08:23 PM

هذه القصيده لكل من يكتب في الانساب وهو لايعرف شي...

ابدا بسم من له عباده يلبون=تقرب(ن) لله وموحدن له
واد الفروض الخمس مع اللي يصلون=تنفيذ لامر الرب وعبادتله
ومن بعدها بدلي مع اللي يدلون=بنصيحه وتنبيه يسامعله
يامولفين الكتب لا لا تغلطون=هدو من السرعه وقولو اسمله
لاتوهمون الناس في ماتخطون=بخبار مغلوطه من الفهل يله
واجب عليكم تحرصون وتحرون=قبل القلم تنوشكم جرتله
من ناقد(ن) يلقى مثاليف وطعون=مابين قيل وقال ومقلقلله
عن الحقايق بالكتب لاتطوفون=كم عالم ماسلم من هفوتله
اخاف من غلطه عليها تلامون=والمؤمن من الخلق قلبه يدله
تحققو قبل المخاليق يوحون=قبل الكلام يشيع من ناقلله
ياللي بالانساب القديمه تخوضون=تشبثون بعلم منتم هلله
عندي نصيحه كان لنصح تصغون=نصيحة ماريد منكم جزله
ماكل من ولف نزيه(ن) ومامون=خلى الامانه عمد متجاهلله
والناس والنقاد بنقد يلقون=عليه مهمس في كلامه وخله
قريتلي منشور بزيف مشحون=كله خرافات وسوالف ممله
البعض منهم بالنسب صار مفتون=تدخل بشي(ن)مهو مستوله
نشر عن الرحال والنشر مطعون=عاري من الصحه ولاصحتله
وين المصادر وين ياللي تكتبون=لقناع من يقراه من مصدرله
كلام ملفق ولاهو متقون=واللغز واضح واكثر الناس حله
يامن وقعتو فالخطا لاتمادون=منشوركم مبتور وكل فطله
علم النسب بحر(ن) بموجه تعومون=تلاطم امواجه على ساحلله
اعماقه اصعيبه على اللي يغوصون=ماكل من هام البحر سابحلله
عمقه متاهات ومجاهيل وحصون=في عالم(ن)مجهول محد(ن)يدله
قمتم على انساب القبايل تجرون=من دون اسانيد وحقايق وادله
ترون عنهم من مجالس يقولون=على الجرايد والصحف والمجله
بالله على مانشر وشلون تقرون=لصاحه لامنشربصحف لللله
ابنشد الراوي وقولـله وشولون=غيرت اسم عتبه وصفحة اسجله
وسميته عتيبه على ماتريدون=غلطه من الراوي كبيره وزله
بسم هوازن بسوالف تسموون=والكل منكم حطها عزوتله
هوازن الها شعوب وفروع وبطون=وشعوب وقبايل محد(ن)محصيله
من اكبر قبايل قيس بسجل مضمون=وعلم النسب محفوظ مافيه خله
لبن حزم شرح(ن)موثق وموزون=شرح عن الانساب وموضحله
ومقدمة ومجلدات ابن خلدون=ومولفاته فيها الاخبار كله
وموسوعة الكلبي عنه لاتتيهون=علم النسب بمجلده مهنتله
وابن الاثير وراجع اللي يعرفون=وفي معجم الانساب دقه وجله
وفي صبح العشى واضحه كان تقرون=مختص بالانساب ومدققله
وكتب المفصل كان للبحث تهوون=شرح عن الانساب ومفصلله
ابو العتيبيه سعد لاتضيعون=تنسبله عتيبه وهو دوحتله
والجد بكر ابن هوازن ومضمون=في شجرة الانساب يوجد سجله
يامدعين الفهم وشولون تقرون=سوو الفهم فيه الف عله وعله
المؤرخ والشاعر
ماجد بن عبود بن مغيرق العصيمي

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

فتى العتبان · 19-May-2005, 01:08 AM

شكرا لك يا قحص على هذه القصيدة وصح لسان قائلها

أبو مرحبا · 19-May-2005, 11:43 PM

فتى العتبان

لاهنت على المشاركه

فيصل المسعودي · 24-May-2005, 01:44 AM

مشكور اخوي قحص على هالقصيده الحلوه وصح لسانك ولسان قايلها اللي تتكلم عن موضوع مهم ومعروف كل شيء ينخاض فيه وينتكلم عنه الا الا نساب والاعراض لانه فيها امور دقيقه واي كلام فيها بدون سابق معرفه ينكب الي كتب عنها عموما شكرا ومقصرت وحبيت اعلق على الموضوع بس. فيصل المسعودي

إبن بجران · 24-May-2005, 12:40 PM

صح لسان الشاعر ماجد بن عبود بن مغيرق العصيمي ولاهنت ياقحص إبن مغيرق على نقل هذه القصيده الجزله والتي تحمل الكثير من النصائح والتوجيهات التي يجب أن يجعلها الشخص نصب عينيه ..
أخوك إبن بجران العصيمي ..

أبو مرحبا · 24-May-2005, 09:11 PM

فيصل المسعودي

لاهنت على المشاركه

::::::::::::::::::::::::::::::::::

ابن جبران

سبب القصيده
اخي الكريم القصيده جديده لشاعر ماجد بن مغيرق
حيث مؤرخنا كان يتصفح المواقع فوجد بعض الذين ينسبون قبائل في قبائل
وهذه القصيده ردا" لهم
لكي يعرفوا بأن من يريد الكتب الموثوقه يجده في المؤرخين التالي اسمأءهم في القصيده:

وسلامتكم