هدية رمزية في قبيلة حرب

[سلطان طلحة]

هدية رمزية متواضعة للأخ العزيز الفاضل/فهد بن عماش الطريسي الحربي ولجميع قبيلة حرب
داخل البلاد وخارجها وفي حالة النقص او ملاحظة فأرجو العذر والسموحة

يالله يامعط العطايا الجزيله=ياخالقن خلقه ومنجن دخيله
انك توفقني لقول الصوابي=يالواحد اللي كلنا ننتجيله
واحفظ لساني عن كلام الهزيعه=من خوف نقد أهل الشعر وتحليله
ودي بقولن ماينقص مقامي=في مدح حرب أهل البيوت الظليله
لاكن فبداية كلامي وقولي=أبا امدح اللي له مواقف جميله
يضرب بكفن مثل كف النداوي=من قو بايه نظرته للجزيله
فهد ليا عدو رجال الشكاله=اسمه على الصفحات كلن يشيله
اسمه يعد من الرجال الاوائل=الطيب له والطيبه تستويله
كامل ولله الوفا والكمالي=امثال ابن عماش والله قليله
رجلن لفعل الطيب عنده شهاده=ماهوب مثل اللي قليلن حصيله
فيه الكرم والطيب دايم ولايف=ومن طيب فعله كل ربعه تجيله
كلمة هلا يامرحبا من صفاته=دايم يرددها المنهو يجيله
يمناه دايم بالمكارم نديه=لعل تفداه اليمين البخيله
ذبع الغنم عنده هذا شي عادي= الحشو تذبح كل يومن وليله
لاحل له طاري وجاله مجالي=كساب قولة نعم وبهون وسيله
رجلن حسب عرفي وما اسمع من العرب=ان الرجال اهل اللزوم تعنيله
يقضي لوازمهم ويكرم لحاهم=وليا برك للحمل يقدر يشيله
للحمل يبرك مقل مايبرك الجمل=ماهمته شيل الحمول الثقيله
انا اشهد انه فاللوازم وليده=وليا برك الاكبر حمل يرتكيله
من عزوتن بالجود الطيب والكرم=من حاول مجاراتهم عزتيله
من حرب حرب اهل الوفا والشهامه=والله ونعمٍ به ونعم القبيله
قبيلتن لو جيت اعدد خصالهم=لايمكن احصيها هذا مستحيله
لكن ابذكر لي خصالن قليله=والهرج يكفي عن كثيره قليله
فيهم كرم حاتم ليا جات للكرم=وحسن الجوار مع النزيل ونزيله
وحسن النبا للضيف ساعة وصوله=من يوم يلفي لين حتى رحيله
وكيفن يقدم فالدلال الغوالي=مخلطن عوده وبنه وهيله
ومجامرن للطيب والعود الازرق=فيها يحط العود محدن يكيله
ومفطحاتن فمهات العراوي=ونجرن يصح النايمين بعويله
وفيهم شجاعة ماتقارن بغيرها=ليا من خشم الزند لمس الفتيله
طناختن فالروس عند اللوازم=رجالهم مثل الحصان وصهيله
اهل الكرم واهل الوفا والشجاعه=واهل السيوف المرهفات الصقيله
يوم المغازي والجهل والحرابه=والملح والبارود مثل المخيله
حمو منازلهم وفكو ديارهم=والمعتدي ردوه يسحب شليله
عود معيف يعض كف الندامه=بعد خذو ماله وجيشه وخيله
لخصامهم علقم وسمن ذحاحي=ولصحابهم طب الكبود العليله
يشهد على ماقلت فعل الذويبي=يوم يتعزوى فوق بنت الاصيله
والفرم محسن كل شيخن شهد له=شريدة الفرسان محدن مثيله
والشيخ معجب ثابتاتن فعوله=ونويشي المشهور فعله دليله
ولوجيت ابذكر فعلهم فالدفاتر=المكتبات بكتبها ماتشيله
هذا قليلن من كثيرن عرفته=وراع الحسد جعله يموت بغليله
هذي فعايلهم وهذي صفاتهم=عوق الهبيل اللي يضيع دليله
ماقلتها والله علشان حاجه=ولا لنا غايه وقصد ووسيله
لاوالذي يعلم بغيب الليالي=وكيل خلقه جل شانه كفيله
لكن انا امدحلي قبيله عزيزه=ومدحي لها مافيه عيب وفشيله
تستاهل التمجيد والمدح والثناء=قبيلتن ياويها من قبيله
ولن كان في مدح النشامى عيابه=اجل عن اهل الطيب ويش نحكيله
وصلاة ربي عد ماذعذع الهوى=واعداد سيلن سايلن مع مسيله
واعداد ماتبدي نجوم الليالي=على نبي الله راع الفضيله

الشاعر/مخلد بن هليل بن عويزب العازمي العتيبي

[محمدالنفيلي الحربي]

صح الله لسانك يامخلد وفهد يستاهل

[سلطان طلحة]

المشاركة الأصلية كتبت بواسطة النفيلي

صح الله لسانك يامخلد وفهد يستاهل

صح بدنك

شكرا لك

ع حضورك

شرفت

[محمد الذيابـــي]

صح لسانك لاهنت

التوقيع

التوقيع محمد الذيابـــي

[سلطان طلحة]

المشاركة الأصلية كتبت بواسطة محمد الوافــي

صح لسانك لاهنت

صح بدنك

شكرا لك

ع مرورك

سعدت

[صارم عتيبه]

صــــــح لســـــــانــــــــــك ولاهنـــــــــــت
ودي وآآآحتـــــــــــــرامي

[سلطان طلحة]

المشاركة الأصلية كتبت بواسطة صارم عتيبه

صــــــح لســـــــانــــــــــك ولاهنـــــــــــت
ودي وآآآحتـــــــــــــرامي

صح بدنك

شكرا لك

ع حضورك

شرفت