الذود والوايت تنومس هل الطيب ... للشـــاعر حجاب بن مرزوق الكسر

[أبن حشيان]

الذود والوايـت تنـومس هــل الطيــب ... تجـلى عن الرجـــال كـل الهمــومي



يرتــاح بالـــي لا رعت شمــخ النيــب ... في واديـن عشبه تغطـرف و يـومي



نمشي مع الدنيـــا ونكســب مواجيـب ... وإن عدت اسمانــا تجيــك العلومي



انضيف الخاطــر ونبـــذل من الطيـب ... و إن جاء لنا العاني نسد اللزومي



و عــاداتنـــا للطيــب دايــم مكـاسيـب ... و نوف الحقوق ولا نكب السلومي



و إن عــودت للـذود ماعنـــه تجنيـــب ... كسبن لأهلنــا يوم زرق السهومي



كسبن لاخو هجسـا عطيـب المضاريب ... مـا يكسـب الا كــل ملحــن ردومي



قــرمن يــدوس ديـــار كــل الاجانيــب ... و أخذ قسومه من خيـار القسومي



و أرخ تواريخــــن بوســط المكاتيــب ...و لا يلحقــه في فعــل يمنـاه لـومي



و عقبه زبار اللي شمخ في المراقيب ... الكسـر لاعــدو زحــول القــرومي



راعي مجاهيمـن زهتــها الدبــاديب ... ويفتكهــــا لاصــك جمعــــن لمـومي



بمشوكن ضــوه سوات المشــاهيب ... يبكي على خيــل الخصيم السمومي



قدامهـم ربعــن بوقــت المحـــاريب ... وفعولهــم في الحفر بين الرجومي



نازل واخـوه وماسهـم لـه لواهيـب ... ليـن الخصيـم اقفى ويمنـاه تـومي



وغنى بقافــن جاب وزنــه بترتيــب ... شهد لهم يوم انتحى في الحزومي



وهذاه قول الصدق ومابـه ولا ريب ... وقول الصحيـح مثبتــن كل يومي



وصــلاه ربــي عد ما يقنــب الذيب ... وعداد ماينشــى سحـاب الغيـومي



على نبيــــن خيـــر كــل المنــاديب ... شفيعنـــا يوم اجتمـــاع العمـــومي

[المـرشدي]

ونعم والله وصح لسانه

وسلمت يمين ناقلها

تقبل مروري

[أبن حشيان]

المشاركة الأصلية كتبت بواسطة المـرشدي

ونعم والله وصح لسانه

وسلمت يمين ناقلها

تقبل مروري

الله ينعم بحالك اخوي

وصح الله بدنك

والله يسلمك ,, كما اشكر لك مرورك

[((مشاري المرشدي))]

صح لسان حجاب وسلمت يابن حشيان

[أبن حشيان]

المشاركة الأصلية كتبت بواسطة ((مشاري المرشدي))

صح لسان حجاب وسلمت يابن حشيان

صح بدنك اخوي مشاري والله لايهينك وشكرا لمرووووورك

[صارم عتيبه]

نمشي مع الدنيـــا ونكســب مواجيـب ... وإن عدت اسمانــا تجيــك العلومي

لا هنت يبن العم لا عدمناك وتشرفنا بطرحك المميز اخوك صارم عتيبه

[أبن حشيان]

المشاركة الأصلية كتبت بواسطة صارم عتيبه

نمشي مع الدنيـــا ونكســب مواجيـب ... وإن عدت اسمانــا تجيــك العلومي

لا هنت يبن العم لا عدمناك وتشرفنا بطرحك المميز اخوك صارم عتيبه

اخوي صارم عتيبة الله لايهينك وشكرا على مروووووووووورك احوووووي