مستعد اعلمه سحر الحروف الابجديه

[ذيب الحربي]

كان يوجد شاعرن ماتسرق النومه اعيونه=ازهموه بداخل الميدان والنيه مطيه
مستعد اعلمه بالشعر ويش اصعب فنونه=ومستعد اعلمه سحر الحروف الابجديه

[عبدالعزيز زيد الميموني]

واجد الشعار والشعار ماترضى المهونه ×× اكرب حزامك ياحربي وأعتصب والنار حييّه
مانبي منك وصاه وشعرنا نعرف نصونه ×× وأبك حنا ما جــهلنا البينه ولا الخفييّه

آخر تعديل عبدالعزيز زيد الميموني يوم 14-Feb-2011 في 03:57 AM.

[ذيب الحربي]

المشاركة الأصلية كتبت بواسطة عبدالعزيز زيد الميموني

واجد الشعار والشعار ماترضى المهونه ×× اكرب حزامك ياحربي وأعتصب والنار حييّه
مانبي منك وصاه وشعرنا نعرف نصونه ×× وأبك حنا ما جــهلنا البينه ولا الخفييّه

ويش ابا بالشاعر اللي جاي يستعرض لحونه=كان يبغاها لحون يروح يلعب سامريه
لاتحسبن الاسد يضحك ليا كشر سنونه=الاسد في كل ليله يصيرله مية ضحيه

[عبدالعزيز زيد الميموني]

هيه ياذيب الخلا سوق الذهب يعرف زبونه ×× مير نفسك لا توردها على حوض المنيّيه
لا تغر السالفه والرأس يا لو لا متونه ×× طاح قدم اقدامه وشفناه فوق الجندلييّه

آخر تعديل عبدالعزيز زيد الميموني يوم 14-Feb-2011 في 04:50 AM.

[ذيب الحربي]

المشاركة الأصلية كتبت بواسطة عبدالعزيز زيد الميموني

هيه ياذيب الخلا سوق الذهب يعرف زبونه ×× مير نفسك لا توردها على حوض المنيّيه
لا تغر السالفه والرأس يا لو لا متونه ×× طاح قدم اقدامه وشفناه فوق الجندلييّه

المنيه حوضها كل النشاما ياردونه=وانت يمكن كارهه من بعد كون الدحمليه
ما يغر السالفه حربي يالو تكذبونه=الدلايل فوقكم والنار بالمقباس حيه

[سعود العصيمي]

مستعد اعلمه بالشعر ويش اصعب فنونه
ومستعد اعلمه سحر الحروف الابجديـه





هيه ياذيب الخلا سوق الذهب يعرف زبونه
مير نفسك لا توردها على حوض المنيّيه


ذيب الحربي

وعبدالعزيز الميموني

صحت السنتكم

واصلووا

التوقيع

اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا. ماني على قربه شفي والاّ على بعده شفوح = الله خلقني مااعترض من صد من كل الملا.

[علي أبوثنتين]

الله الله صحت الالسن المبدعه والمتألقه لاهنتوا على هذا الطاروق الحماسي والمسري ،،،

[عبدالعزيز زيد الميموني]

وصحة ابدانكم جميييعاً