قصيدة نادرة للأمير ضيف الله بن تركي بن حميد

[أبو طالع العتيبي]

بسم الله الرحمن الرحيم


يالله ياللي نطلبـك دايـم الدوم =يا مخلف النيه بنقـض العزايـم
الكبد ما تقبل من الـزاد مطعـوم= من شافني كني عن الزاد صايـم
البارحه عيني قزت عن كرا النوم= يـوم الثريـا خايلـت للنعـايـم
تخلفن بالقلـب قـالات وهمـوم =يوم الشكالـه مـا تهـم الهمايـم
بالليل اهوجسلي بقالات وعـزوم =للـروح خـلاق وللعمـر سايـم
ناس نصالحهم وناس لنـا قـوم =واكوان يشبع غبهـا كـل حايـم
يومن سكنا نجد من غير معلـوم= بصولات تلقابه صفى الجوعايـم
يانجد والله مـا نزلنـاك بسلـوم =ولانتيب ورث جدودنـا بالقدايـم
ويا نجد اخذنا منك حق ومرسوم= وصفا جنابك عقب نطل العمايـم
خذناك عقب مدارك العمربالسوم =سـوم يخسـر لابسـات اللثايـم
كم خايع بين الحفيفيـن ماسـوم= كـل يبـاه وواصليـن الكظايـم
عاداتنا نرعى الخطر دايم الـدوم =يرعى دبشنا فيـه والحـظ قايـم
نرعى بربع كنهم دولـة الـروم =مركاضهم بالضيق يجلا اللوايـم
لاصاح صياح الضحى جن حثلوم =الخيل بالفرسـان عجـل همايـم
يازين سجات على الفطر الكـوم =يوم بلاش ويـوم جبنـا الغنايـم
نوالخيال مسرح من ضحى اليوم =امطر وسيلـه دم روس العدايـم

[سيف نت]

الله يرحمـــــــــــــــــــــه

[خالد بن مورق]

قصيده من اشهر قصائد شعار وفرسان عتيبه التي تجسد نزول عتيبه لنجد الله يرحمه ويغفر له

آخر تعديل خالد بن مورق يوم 18-Feb-2011 في 01:22 AM.

[شامان]

قصيدة يحفظها الصغير قبل الكبير ، ومن اشهر قصائد الامير ضيف الله بن تركي بن حميد (العفار)

على العموم شكراً لمجهودك

[ابن جبار الشيباني]

لاهنت والله يرحم اموات المسلمين