من قديم خلف ومستور

[المسرّي]

اخواني الاعزاء
السلام عليكم ورحمة الله وبركاته
هذا بيت من محاوره قديمه بين خلف بن هذال ومستور العصيمي كل يدافع عن ربعه هذا عن برقا وهذا عن روق. اتمنى من العتبان الاعزاء ان يكملون لنا باقي المحاوره :
منها قول مستور : حماها بن حميد اللي يعد من اشيخ الشيخان...
وكذلك قول خلف : ... وبرقا مجحره في حجزها اولها وتاليها .

ويالربع ترى الدعوى مزوح وسهالات يعني لا احد يتذمر من نشر المحاوره بسبب بيت او اخر او انها فيها اشياء غير مرغوبه




تكفووووووون عجلوا علي

[محمد العتيبي]

[size=5]
تسلم يالمسري ولكن والله ودي بنفعتك ولكن انا مثلك ابحث عنها

ولم اجدها وانشالله سنسعى في البحث وفي حال وجودها صدقني لن

اتاخر دقيقة ابجيك طاير طال عمرك وانا ملهف على المحاورة هذي لي فترة

ومن ناحية تقول ان احد يبا يدسها اما روقي ولا برقاوي فلا اظن ذلك لان الرجل

الذي عقله صغير هو اللي يمكن على قولتك يبا يتذمر اصلا لو ان السالفة فيها تذمر

ما لقيت فيه شعار لهلحين بل لقيت الشعار مايلعبون مع بعض على السالفة هذي

واشكرك يالمسري مرة اخرى ..... واتمنى ممن لديه هذه المحاورة ان ينقلها لنا كاملة



وشكرا للجميع ............ ابو مشعاب

[المسرّي]

مرحبا مليون يابومشعاب
ابك انت من مثلك والله انك ونعم وسبعة انعام وكلامك يدل عليك يالطيب
وبردك على الموضوع كني لقيت المحاوره
الله يجمل حالك
اخووووك / المسري

[محمد العتيبي]

الك البقا يالمسري عد ماترمش العين وما علاك زود وانت طيب وراع الطيب

وان كانك لقيت المحاوره تكفى عطناها طال عمرك ولا تبطي .......! وشكرا جزيلا لك

[المسرّي]

حياك الله يابومشعاب
والظاهر انك فهمتني غلط
انا يوم اقول " وبردك على الموضوع كني لقيت المحاوره "
اقصد ان مرورك يالغالي وردك يكفيني عن مية محاورة
لكن تكفى ابحث عند ربعك العتبان وعطنا هالمحاورة اكيد انها معرووووفه

[محمد العتيبي]

اسمحلي يالمسري احيانا يصير خربطه فالمعلومات اما في طلبك ابشر طال

عمرك اببذل المجهود ولا يصير خاطرك الا طيب .. واشكرك ياعزيزي ....

[سلطان المنصوري]

الأخوان الأعزاء المسري وابو مشعاب


طبتم وطاب ماسألتم عنه


وللمعلوميه المحاورة التي انتم تتكلمون عنها لم تكن بين مستور العصيمي وخلف بن هذال

وانما هي بين ميشع الجداعي الروقي وحامد بن صويلح القثامي



ولكن المجال ليس مجال لذكرها




أحببت التنويه وشكرا لكما

[سهيل الجنوبي]

المشاركة الأصلية كتبت بواسطة سلطان المنصوري

الأخوان الأعزاء المسري وابو مشعاب
طبتم وطاب ماسألتم عنه
وللمعلوميه المحاورة التي انتم تتكلمون عنها لم تكن بين مستور العصيمي وخلف بن هذال
وانما هي بين ميشع الجداعي الروقي وحامد بن صويلح القثامي
ولكن المجال ليس مجال لذكرها
أحببت التنويه وشكرا لكما

اشكرك اخي الكريم
أنا ابحث عن محاورات الشاعر ميشع ولم أجد له إلا محاورة واحدة مسجلة فهل تقدر تدلني على شئ من محاوراته وخصوصآ الفيديو؟

[المسرّي]

المشاركة الأصلية كتبت بواسطة ابومشعاب

اسمحلي يالمسري احيانا يصير خربطه فالمعلومات اما في طلبك ابشر طال

عمرك اببذل المجهود ولا يصير خاطرك الا طيب .. واشكرك ياعزيزي ....

وافي يابو مشعاب وبيض الله وجهك
اخوك المسري

[محمد العتيبي]

اخوي: سلطان المنصوري

احب ان اقدملك جزيل الشكر على التنويه وانا الصراحة لم يكن عندي العلم بالشعراء ولكنني

احب ان اعرف ماهو السبب الذي جعللك تقول ليس لها مجال لذكرها ....؟!