ابن عـاقل

[سراب اللال]

ابـن عاقل ودنا نمزح معك والله الهدف الاول والاخير نبا الفايده منك

مرحبا ترحيبت(ن) سـقتها يم الكرام = بالرجال أهل الكرم يوم شبت نارها
ابن عاقل بعد رد التحية باحتـــرام=ليته يجيب العلوم لديار(ن) زارها

[ماجد السميري]

ارحب ارحب
والفائده لي انا بلاشك

البقاء بك يالمرحب على سلم ونظام= عند قومٍ فالمواقف طوال اشبارها
قبل مردود السواليف ياذرب المقام=ويش وسم الناقه اللي تشيل حوارها

التوقيع

قالوا ليا غاب العصيمي وابوفيصل مع رشيد=تبى تنافسنا على الساحه شواعيـر البلـد قلت اطمأنوا ياعتيبه واسمعوا علمن وكيـد=موجود حمدان ووصل والعازمي وابوسعـد افضل خلف لفضل سلف والعد راهي بالمزيد=والله لتبطي رايـة الهيـلا ترفـرف للأبـد مــــــــــــاجد العــــــــتيبي ambh90@hotmail.com

[سراب اللال]

الله الله صح لسانك مليار استلم

يا العتيبي وضعنا ما يبا نصب الخيــام =ما خبرت الناس يا شيخ تحذف جارها
ليتك تخلي عباة الكبر وقت الصــيام=جعل دار الكفــر للحرق معها بــارها

[منصور الدرين]

ياسلام ياسلام

صحت الالسن

ممتعين استمروا

[سراب اللال]

منصور شرفنا تواجدك يا الحبيب متابعتك فخر لنا

ويآ ليت تعلموني طريقة تنظيم القصايد ابا اكشخ معكم ههههههه

[ماجد السميري]

صح بدنك ولساااانك ملياار

كان تبغى الحق والحق حلال الخصام=كل لحيه يالسنافي لها مقدارها
ما يدس الراس فالرمل ياكود النعام=عن طويلات السوالف تسد قصارها

[سراب اللال]

ابن عاقل لو يعرف الحلال من الحــرام=كان مايتبع هل الغـي بعــــد افكـارهــا
خوة اهل الخير يا صاحبي خوة ســلام=والطيور اشكال محدن يعرف اسرارها

[سراب اللال]

ابن عاقل الظاهر انك رقدت ههههههههه

المهم انا برقد مير رد ومتى ما لقيتها نكمل ان شاء الله

اللي نسق الابيات بيض الله وجهك

[ماجد السميري]

المعذره ياسراب على التأخير

كان يارجال في خاطرك بعض الكلام=لا تروح ايمينها لا تروح ايسارها
ياسراب اللال واسمك على وصفك تمام=دونك عيون النشاما تضيع انظارها

[سراب اللال]

هلا والله بابن عاقل ارحب مليار استلم استلم

الذلول اللي عليها من المقفي سنام=جعلها يا صاحبي تفركك من زارها
المكارم و الشيم والحشيمه للحشام=والخنا لاهل الخنا زارها في دارها