عرب عدنان وقحطان

[عبدالله بن طلال]

السلام عليكم


تواصليه

ابا اسأل عرب عدنان واسأل عرب قحطان = وراء ؟ معنويــّاااات المخاليق منحطّه ؟
مادام القلوب مسالمه ، والصدور اوطان = علام العرب في تالي الوقت مشْتطّه ؟
وعلام العريباني لبسٍ ثوب ابو قيطان = ولا باقي (ازرار وكبك ثوب) ماحطّه
منوّل .. حصان ويذكرونه وسيع إبطان = ونهرٍ زلالٍ ، تشرب الناس من شطّه !
نداوي وذِكره ..من شروره ليا خيطان = لكنه ..تغيّر واختلف نهجه وخَطّه
أخافه ثبط عزمه ، و وسوس له الشيطان = ولا عاد له حيله ولا في يده خِطّه
تلاعب به الدنيا ولا في يده سلطان = ولا يفرق الغرنوق الابيض .. من البطّه
عسى الله .. يفرّج كربة المُكره الورطان = عليه ، ويسهّل رحلة الضّيم والشِطّه
ومشكى السفينه عقب ربي ، على القبطان = مدام الفطور (امصقّعه ) والعشى قَطّه

تنبيه :

القطه معروفه لكن في منتدى آخر فهمها البعض على انه : قطه = بسّه خخخخخخخخخ

تحياتي لكم

[فلاح بن عايض اليامي]

عبدالله بن طلال
أشهد بالله انك شاعر جزل وانك وافي
صح لسااااااااااااانك وبيض الله وجهك

[حفيد المسنحاني]

المشاركة الأصلية كتبت بواسطة فلاح بن عايض اليامي

عبدالله بن طلال
أشهد بالله انك شاعر جزل وانك وافي
صح لسااااااااااااانك وبيض الله وجهك

لك مني اجمل التحايا

[عبدالله بن طلال]

صح بدنك يابو عايض و وجهك ابيض يالقرم

وشهادتك محل فخر واعتزاز ، الله يحفظك

تحياتي لك

[محمد ابن مويسان]

صح لسانك شاعر جزل
يعطيك العااافية

[أخو جوزا]

صح لسانك يابوطلال والله يرزق القبطان بالبطانة الصالحة

[عبدالله بن طلال]

صح بدنك يابن مويسان ولاعدمنا مرورك العذب


تحياتي لقلبك و لقلمك

[ولدعساف]

صح لسانك شاعر جزل
يعطيك العااافية

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها

[عبدالله بن طلال]

صح بدنك يا اخو جوزاء

ولاهنت على مرورك ومداخلتك الطيبه والرائعه

تحيتي لسموكـ

[عبدالله الجـــذع]

صح لسانك يابو طلال

قافيه ومعنى ومبنى لايجيده الا الكبار


قصائدك دائما تتحدث عن ما في صدورنا


الله يفرجها على الجميع

محبك

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا