ياكـاتـب التــاريــخ وقــف علــى شــــان...

[ولدعساف]

بسم الله الرحمن الرحيم
اللهم صل على محمد وعلى آله وصحبه أجمعين
السلام عليكم ورحمة الله وبركاته

هذه قصيده لشاعر طراد الضميان الجذع قاله في إحد مناسبات شيوخ الجذعان..

نعوذ بالرحمن من كل شيطان=ربِ مسيرنا وباسمه بدانا
ياربنا نطلبك رحمه وغفران=وترفع منازلنا وتهزم عدانا
وتزيدنا يارب توفيق وإيمان=ورضاك عن مانعمله مبتغانا
والشعر مرسول المشاعر والاذهان=لإسماع من يفهم بسحر البيانا
قاله لبيد بن ربيعه وحسان=اهل البلاغه في قديم الزمانا
والشعر ديوان العرب كل الازمان=واليا بغينا نكتبه ماعصانا
بحرٍ صعيب ولاقبل كل ربان=كم واحدٍ هاز العبور وتوانا
والبحر قاعه فيه لولو ومرجان=يالله عسى عنه البحر مايحدانا
وباسم اومرانا مرحبا عد مابان=نجمٍ بنوره يشتعل في سمانا
ترثة حباب اللي له المجد عنوان=القول مايوفيه مهما حكانا
له في الجزيره دور في وقت الاكوان=وابن رشيد بمنطقه ماخفانا
وزريب زيزوم السرب طير حوران=قال النزول لنجد قلنا مشانا
ويا كاتب التاريخ وقف على شان=ماتغفل الواقع وتخطي علانا
سجل على صفحتك الاولى بالألوان=فعلٍ لو انا نكتفيبه كفانا
المعجزه ماهي مصاويل فرسان=المعجزه رد البرا لقحطانا
قومٍ لهم في ذروة المجد مسكان=سادوا قرارة نجد حتى لفانا
ولو نحصي الافعال نحتاج ديوان=وديوان مايحصي فعول اومرانا
شوخٍ ليا هز النذر كل ديقان=قالوا لمأمور المباني بنانا
وحنا لهم ربعٍ على الطيب عوان=ما أحدٍ بدرب الطيب يلحق مدانا
جذعان حي الاسم لا قيل جذعان=ليا اعتزا الخصم العنيد اعتزانا
وان راحت الدنيا قديحه وصوان=ماهو حظيظ اللي يجي في نحانا
وان صعبت الدنيا ووجه الدهر شان=نصبر وننفق ماتحوشه يدانا
واليوم ندمح غلطة فلان وفلان=كله من اجل انا نحشّم لحانا
نعامل الغلطان باسلوب الاحسان=على القشر ماهي سريعه خطانا
وكل القبايل نعم من غير نقصان=الهم بفعل الطيب قسم ومكانا
في وقتنا الحاضر وفي ماضي كان=في كل مسعى يكسبون الرهانا
واليوم فالاسلام جيران واخوان=وللحاكم العادل نجدد ولانا
في حكم ابو متعب ونايف وسلطان=يفخر وطنا بالامن والامانا

[/quote]

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها

[مع الحق]

صح لسانه وبيض الله وجهه

شاعر كبير وقال شعر بمثابة درس للاجيال

وسلمت يمناك ياولد عساف على النقل الجميل


لك مني كل الاحترام والتقدير

[علي الشهراني]

صح لسان الشاعر و لا هنت على النقل



ولد عساف موفق خير و فالك الجنه

التوقيع

يا بو محمد وش عليه أتحسّر=لا مرقدٍ دافي و لا ماكلٍ حار احسلّي اقصْر في شفوفي و اكسّر=اخير لي من عيشة الغار و النار

[حسن إبراهيم الدجيماء]

ويـا كاتـب التاريـخ وقـف علـى شـان ** مـاتـغـفـل الــواقـــع وتـخــطــي عــلانـــا
سجل على صفحتك الاولى بالألـوان ** فــعـــلٍ لـــــو انــــــا نـكـتـفـيـبـه كــفــانــا
المـعـجـزه مـاهــي مـصـاويـل فــرســان ** الــمــعـــجـــزه رد الـــــبـــــرا لــقــحــطــانــا
قــومٍ لـهـم فــي ذروة المـجـد مسـكـان ** ســـــادوا قـــــرارة نــجـــد حــتـــى لـفــانــا
ولـو نحصـي الافعـال نحـتـاج ديــوان ** وديـــوان مايـحـصـي فــعــول اومــرانــا


كلام كلام .. صح لسان الشاعر ...

ولد عساف : دايم ظهورك مميز ورائع ... لاتحرمنا طلتك الله يعطيك العافية .. مشكووور .. أخوكـ : الدجيماء..!!

[الجزل]

مشكور اخووي ولد عساف


وصح لسان الشاعر طراد الضميان الجذع


قصيده تستحق الشكر

[يوسف العازمي]

صح لسان صاحب القصيدة و وشكرا اخوووي ولد عساف على النقل الرآئع

[ولدعساف]

أشكر كل من مر...