محمد بن تويم
كل طيرٍ يا صواط بجناحه يطير=والحباري يوم طارت زعل قنّاصها
والمعاني قادها بيننا سلك الحرير=والمشاكل يوم صعبت قطعنا رأسها
جارالله السواط
من نزل في الشعب يشتاله السيل الغزير=والبيوت اللي لها ساس موثق ساسها
انت ترسم خطةٍ ما معك فيها خشير=ليه تحرق طبخة البن في محماسها
محمد بن تويم
انت لا تشره عليه ولا تزمر زمير=واس ربعك يا العتيبي بروحك واسها
كل رجالٍ يظلي لحاجاته بصير=من عرف نيبان بقعا يعرف اضراسها
جارالله السواط
الشقاوي ما قعد له صديق ولا شوير=كم نصحته يعذل الروح عن وسواسها
بعد بكره فوق روس الجبال يطق زير=والليالي المقبله مايعرف قياسها
محمد بن تويم
كل بحرٍ فوق سطحه بوابيره تسير=عارفين امواج الابحار واللي داسها
مير لا تغلط علينا كما الورع الصغير=ورعٍ امتص الحلاوه وأكل قرطاسها
جارالله السواط
وان غرق بابوركم ما انت لصنعه خبير=قصةٍ تزعلك ما انت بسالم باسها
الغلط مرجوع والله يمسيكم بخير=والخصم بيني وبينك حصل مخلاسها
وسلامتكم , , ,
« آخـــر الـــمـــشـــاركــــات »
06-Jan-2010, 02:41 AM
محاوره نادره : محمد بن تويم - جارالله السواط
العرض المتطور
