هات القلم

[مشاغب]

هات القلم بااكتب لها عشرة ابيات=وازيدهـا سبـع وثمـان هـديـة
أبيات لاصعبة ولاهـي سهـالات=يعني لاهي هـذي ولاهـي هذيـة
نوب تجي شرد ونـوب مطيعـات=ونوب لوابغاهـا ماتطـري عليـه
ونوب مثل همال الامزان زخـات=يضيـق دفترهـا وتتعـب يديـه
واحلى من السكر وفعل الجمـالات=ابيات في مضنـون عينـي نديـة
الجادل اللـي بالغلافاقـت الـذات=تامرعلى روحـي وتامـر عليـه
سجين في حبهـا قيـد وكلبشـات=ضكت على ايديني وضكت عليـه
مااقدر افارقهـا لوهـي مسافـات=يحكم علـي اعـدام لوهـي بليـة
حتى غلا الديرهة وايضا البويتات=من عقبهـا زايـد غلاهـا شويـه
من دونها العالـم كلـه سماجـات=ومن دونهـا العالـم مالـه مزيـة
صامت مع العالم واحسن لي سكات=مااحـد بمنطقهـا ولااحـد حليـه
فريـدة مـن بيـن كـل البنيـات=يعني جميلـة حيـل ميـة بميـة
لازول لامنطق ولاحتى ابتسامـات=سبحان مـن صـورك ياهالبنيـة
في صوتها ميزة ولاكل الاصـوات=منها يزيد القلـب نبـض ووحيـة
لاتقول لي آمـر ولاتقولـي هـات=لكن تعرف إشلون تقضـي عليـه
ما اضن تحلا لي حياتي ولا ابات=مـادام ماضميتهـا فـي يـديـه
وآخذ من الشفـة ثـلاث رشفـات=طـول النسـم بالحـد والمقدريـة
تطفي لهيب الشوق وايضا الملامات=والروح تركد من عناهـا عشيـه
من خمسة وعشرين سبعة بدايـات=قصة غرامـي مـع ذيـك البنيـة
جلسة ونضرة وبتسامة وهمسـات=فرت علي قلبـي وجابـت قصيـه
مير الامل باللي رفع هالسمـاوات=ييسـر امـور تتـالـت علـيـه

[/poem]
مشاركة من مبتدي اتمنى النقد والتوجيه وعدم المجاملة

[فهد رشيد الزلامي]

واحلى من السكر وفعل الجمـالات
ابيات في مضنـون عينـي نديـة
الجادل اللـي بالغلا فاقـت الـذات
تامرعلى روحـي وتامـر عليـه


بيتين لايذكر غيرهما في القصيده<<<<< وجهة نظر

ركز على الوزن والفكره وتقبل تحياتي