صدى رساله

[مرزوق حمدان العتيبي]

(((الرساله)))

البندق اللي ثوّرت في خباها = واكلت يدين اللي محافظ علاها
ازنادها خربان واصبح خطرها = ايهدد اللي للمغازي قناها
رغم العيوب ومقنعات الخطايا = بندق عسى كل البنادق افداها
هل تعتقد لوبعتها يابو نايف = اني خسرت ورابح اللي شراها
او تعتقد لو صنتها باهتمامي = حاولت اعدلها واقلل خطاها
اني ربحت ولافقدت احترامي = الناس ماتكسب بشقرت عصاها
جتك الرساله وانتظر وش مردك = البير تعرفها وتعرف غطاها
لاخير في قول ٍ بليا دلايل = وابيات شعري واضح ٍ محتواها
خصيتك ابها ياوسيع البنايد = حيث ان نظراتك بعيد ٍ مداها

هذا هو مردها للشاعر العذب ...
تركي عبدالله الدغيلبي (ابو نايف) والحقيقه انه اجاد وافاد ....

حي البيوت وحي منهو بناها=أبيوت شعرن عالين مستواها
عبر الأثير أرسل علينا رساله=يشكي من الدنيا وزايد عناها
فكر بهالدنيا وشاف العجايب=وهذي هي الدنيا وهذا غثاها
والبندق اللي قلت ياسعد عينه=اللي لساعات اللوازم حساها
أن بعتها فنته بلا شك خاسر=خسارتن محدن يحسدك علاها
وأن صنتها وأخذت منها المحاسن=يبا يعوضك طيبها عن رداها
ترى الحرايق تبتدي من شراره=وأحسن طريقه للتعامل معاها
أنك تكافحها وهي في مهدها=تقضي علاها قبل يكبر بلاها
جتك الردود معطره بالتحايا=والمعذره كان القصور أعتراها

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[سلطان ابن حامد]

والبندق اللي قلت ياسعـد عينـه
اللي لساعـات اللـوازم حساهـا
أن بعتها فنته بلا شـك خاسـر
خسارتن محدن يحسـدك علاهـا
وأن صنتها وأخذت منها المحاسن
يبا يعوضك طيبها عـن رداهـا


لله دره


مرزوق صح لسانك ولسان ابو نايف

ابدعتوا يالثنين

تقديري لكما ،،

التوقيع

توترتي هنيـّا : )

[سلطان بن دحيم]

صح لساااااانك يا مرزوق

وصح لساااااان تركي


ابدعتوا


تحياتي

[عمر الدغيلبي]

الله الله


يا سلام يا سلام


صح لسانك يا أبو محمد

وصح لسان أبو نايف

عز الله صوت و صدى قمّه في الجزاله و القوّه

لا عدمت روسكم


خمس نجوم

التوقيع

في منتدى الهيلا زحول الرياجيل = بيت القبيله و النشاما إرواقه يزينه حرصه لزين التماثيل = ويجمله نبذ العلوم الدقاقه

[عبدالله الجـــذع]

الله الله

ابو محمد كل عام وانت بخير

وصح لسانك ولسان المبدع تركي

صوت وصدى جميله


لاهنتوا

محبك

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[ابورازن فالمريخ]

وصح لسانك ولسان المبدع تركي

[شاعر شعبي]

صح لسانك يامرزوق

وصح السانك ياتركي



شعراء راهين ومعاني في غاية الجزالة


تقبل الود مغ التحية

[مرزوق حمدان العتيبي]

.
.
ابو حامد صح بدنـــكــ يالغالي
..لاهنت ...

[محمد بن غازي]

صح لسانك يابو حمدان ويكتب لك الخيره ...... وصح لسان ابو نايف ....


صوت وصدى ... جميل ومعبر ....

[مرزوق حمدان العتيبي]

...
سلطان بن دحيم ...
صح بدنكـــ ... مع جزيل الشكر لك على مروركـــ