البندق اللي ثوّرت في خباها = واكلت يدين اللي محافظ علاها
ازنادها خربان واصبح خطرها = ايهدد اللي للمغازي قناها
رغم العيوب ومقنعات الخطايا = بندق عسى كل البنادق افداها
هل تعتقد لوبعتها يابو نايف = اني خسرت ورابح اللي شراها
او تعتقد لو صنتها باهتمامي = حاولت اعدلها واقلل خطاها
اني ربحت ولافقدت احترامي = الناس ماتكسب بشقرت عصاها
جتك الرساله وانتظر وش مردك = البير تعرفها وتعرف غطاها
لاخير في قول ٍ بليا دلايل = وابيات شعري واضح ٍ محتواها
خصيتك ابها ياوسيع البنايد = حيث ان نظراتك بعيد ٍ مداها

حي البيوت وحي منهو بناها=أبيوت شعرن عالين مستواها
عبر الأثير أرسل علينا رساله=يشكي من الدنيا وزايد عناها
فكر بهالدنيا وشاف العجايب=وهذي هي الدنيا وهذا غثاها
والبندق اللي قلت ياسعد عينه=اللي لساعات اللوازم حساها
أن بعتها فنته بلا شك خاسر=خسارتن محدن يحسدك علاها
وأن صنتها وأخذت منها المحاسن=يبا يعوضك طيبها عن رداها
ترى الحرايق تبتدي من شراره=وأحسن طريقه للتعامل معاها
أنك تكافحها وهي في مهدها=تقضي علاها قبل يكبر بلاها
جتك الردود معطره بالتحايا=والمعذره كان القصور أعتراها