سعود البرقاوي + عقاب العنزي ..................( مميــــزه)

[بندر المرشدي]

سعود البرقاوي

ياعقاب مالك خص في بعض الامور=اطلع وخلك من ورى البيبانية
قدام لاتِزعل وسيعين الصدور =وتصير مثل الهاتف المجانية

عقاب العنزي

ترى الجهل ظلمه لكنّ العلم نور = والاوله ماهي بمثل الثانيه
قدام دمك يالنفيعي لايفور = قبل الخبر حضّر لي البرهانيه

سعود البرقاوي

في شارع الدوار لا اشوفك تدور = منك اشتكى السكان والجيرانية
كانك تعذر ،، قلت لك منت معذور = وكانك تحدى ،، طب فالميدانية

عقاب العنزي

ياللي دفنت السالفه بين السطور = انا نويت اشكيك للعتبانيه
مانعرف الا ان الجنايز فالقبور = لاوالله الا شبت النيرانيه

سعود البرقاوي

الا على فكرة وش انت من الطيور = دوبي لقيتك تنهض الجنحانية
أول رصاصة من تحت رجلك تثور = وآخر رصاصة جا لها دخانية

عقاب العنزي

لن كان تنشد صقر من ماكر صقور = وانته اظن ّ ملهي الرعيانيه
من بعد ماعطوك العرب كرت العبور = يمكن تسرّيها بدون عنانيه

سعود البرقاوي

يالربع ويش الحل في لحم الجزور = لا غشني به راعي الدكانية
عقاب داخله التغطرس والغرور = واصبح يميّل شوكة الميزانية

عقاب العنزي

انته تحسب ان الحضر نفس الحضور = لكن تعرف تركب القيفانيه
من بعد هذي يالعتيبي لاتجور = بقول لك بسم الله الرحمانيه

سعود البرقاوي

ياعقاب كمّل شهر من بين الشهور = وتفرّق الفاضي من المليانية
من بعد هذه مابقى غار الفطور = هات الصحن يامعزب الضيفانية

عقاب العنزي

حنا قبل هذي من حساب النمور = ياللي دعمك فلان وهرج فلانيه !!
ابشر وحنا الطيب من ماض العصور = لو زرتني في حلة الويلانيه !!

سعود البرقاوي

لاعاد تاقف عن اشارات المرور = مدام سلك الفرمله خربانية
وش يطبخ الطباخ في وسط القدور = ياعقاب علّم دام معك لسانية

عقاب العنزي

اليا غفلت الورِد عن ذيك الصدور = رميتنا بالظلم والبهتانيه
العلم في هذا الخبر يبقى محصور = وانته تمنّاها على الذرعانيه

التوقيع

يامنتـدى الهيـلا علـى العـيـن والــراس=صــدري وسـيـع ومــن مـعـزتـك مـلـيـان لبـسـت مـعـروفـك مـثــل ثـوبــي لـبــاس=وزرعت لـك فـي داخـل القلـب بستـان الله يبـيـض وجــه مــن ثـبـت الـســاس=وحط الـك مـن فـوق العناويـن عنـوان اســم ومسـمـى خـتــم جـــودة ونـبــراس=يـسـمـع بـــه الاصـقــه ويـــرآه عـمـيــان مـــــا يـنـتـقـيـم بـالـجــواهــر والالـــمـــاس=ولا يـغــمــره بــحـــر الــقــوافــي والاوزان :: ديواني من إعداد الزميل/ عمر الدغيلبي ... بيض الله وجهه