بسم الله الرحمن الرحيم
شاعر عرف بشعر الحكمه والنصح وبرز في هذا المجال وكان احد ابرز شعراء الوطن حيث يعتبر جامعه شعريه فريده بما تعنيه هذه الكلمه من معنى
انه الشاعر الكبير رحمه الله عليه
عبدالله بن طلق بن خويتم الغزلي العصيمي
فقد عرف باسم عبدالله بن خويتم واصبح هذا الاسم المتداول لابو خويتم عند الجميع وعرف به
فهو اشهر من نار على علم فكان احد رجال الدوله المخلصين وقد تقلد العديد من المناصب المهمه في الدوله
اتمنى من جميع الاخوان الاعضاء بوضع اي قصيده للمرحوم هنا لتكون مرجع لقصائد ابو خويتم رحمه الله
يافاهم احفـظ وصاتـي لا تضيعهـا=دام القلم يشتغل ويجيـب الانـدادي
افهم وغلطات نفسـك قـوم رقعهـا=ترقيع ثوب سمل عقب البطى بـادي
والنفس بالكبـر بالـك لاتطاوعهـا=تراه مذموم تنهى عنـه الاجـوادي
والله نها عنه في كتبـه ونسمعهـا=يقولهـا كـل عـامٍ والله الـهـادي
ياجاهـل النفـس بالـك لاتدلعـهـا=ترميك نقره حضوظٍ وسط الانكـادي
خلك عـدوٍ لهـا عسـاك تردعهـا=عن الردى والرذيله بين الاجـوادي
من طاوع النفس وسط النار يجدعها=ولياه نادم عن درب السنـع غـادي
وان كان يالادمي تتبـع مطامعهـا=ابشر بشين العمـل قافيـك جـلادي
وان كان ماطاوعت واجب تسنعهـا=مدام لك بالبقاء مصـدر وميـرادي
ان كان حظ موفـق زيـن تمنعهـا=عن المحارم لـو بالملـح والـزادي
عن المحارم ودرب الظلـم جوعهـا=والحق بين وله منحـى ومسنـادي
يالعبد دنياك لوطول تلذعهـا= لابدهـا زايـلـه و الـحـق بـالاجــادي
الشمـس يابينهـا يكيفـك مطلعهـا=لكن الايام تبغـى دوم عـدادي
والنفس حاول بها عسـاك تقنعهـا=على التواضع وطيب الخلق والقادي
عساك تسعى لها في شـي ينفعهـا=النفس تبي لهـا تدبيـر وجهـادي
وقوم نست ذكر ربـي لا تصانعهـا=وخير مالك تزيـن عنـه الابعـادي
مجالـس السـو بـالك لا تتابعهـا=تجلب عليك الظلال وشمت الاضدادي
ولقمه حلال مع الاجـواد تجرعهـا=اخير من خزنتن فيها الف حسادي
يالعبد قـد غـرة الدنيـا مربحهـا=تغانـم النفـس للصيـاد صيـادي
وان كان مانته عن العلـه مسنعهـا=والا جهنـم لهـا بالحـيـل ورادي
النـار ياجاهلـن بالنـار مفضعهـا=شبوبها من حديـد صلـب وقـادي
ان مرها واحـدن روحـه تمزعهـا=دايم وهو وسطها سرداد مـردادي
نـار جحيـم قبـل ربـي مولعهـا=طعام اهـل الكبـر جمـع وفـرادي
النـار بوجيهـم دايـم تلاوعـهـا=جزا خبيث العمل يلقاه وش عـادي
محصي الحسنات والسيات يجمعهـا=الله لاهل الكبر في كـل مرصـادي
ياربي اني دخيلـك مـن مشانعهـا=عفوك ورحمتك ياصداق الاوعادي
ياغافر الذنـب روحـي لاتروعهـا=وجعل لها في جنان الخلـد مقعـادي
وهذي قصيده موجه للامير محمد بن احمد السديري عندنا كان ابو خويتم مديرا لاحد الدوائر الحكوميه في جيزان
الله من قلـب ن همومـه تسوقـه=سوق الركاب مـرددات المناحـي
سوق الركاب اللى ثقـال وسوقـه=عقب الشمح هزلات والحال ماحي
هواجيس في جوف قلبي خفوقـه=تسطي كما تسطي سهوم الرماحي
خطر ن على قلبي تصرم عروقـه=يكفخ كما يكفخ خفـوق الجناحـي
ليا انطلق من برق ن كـان فوقـه=وفكت اسبوقه تنمس مع الصياحي
وخلى محله ماكـره مـع علوقـه=واقفـى بعـج مقتفيـه الريـاحـي
والعيـن عيـت نومهـا لا تذوقـه=تصوم عن لذ الكـرا والمراحـي
تهـل دمـع بالنظيـر محـروقـه=عين الخطا من حجرها الدمع فاحي
من وقتي اللـى شيبتنـي طروقـه=لا قول مجنون ولا قـول صاحـي
الوقـت يابوزيـد مافيـه طوقـه=عجزت عنه وقصـرن المشاحـي
دنيـا علينـا يامحمـد صفـوقـه=تصفق من كل صـوب النواحـي
كم واعدت لكن ماهـي صدوقـه=من مكرها في راسي الشيب لاحي
مافيـه يـوم الا ترقـب شروقـه=واللى تطلع علته مـا استراحـي
والنظـر يامحمـد قليـل وفوقـه=يوم يقوم وعشـره ايـام طاحـي
وليا درج ساعـه صديقـه يبوقـه=واطارد الامال طـرد الضحاحـي
ياخو منيره نوخ النظـر عوقـه=والعد دونه راس حزم ن براحـي
وليا تجاذبت الخطـا مـن يسوقـه=والا اللى حاديني وموت ن ذحاحي
اربع سنين الشـام اخيـل بروقـه=واسمع رعد برقه قبيل الصباحـي
اخيلـه مابيـن ليـنـه وسـوقـه=يبعد علـي ولا حصـل مراحـي
وقت علينـا مـن يرقـع فتوقـه=كود انت يابو زيد يارجل الكفاحـي
كم واحد ن يالحر قـرر غروقـه=وفرجت عنه الكرب بالانشراحـي
يامعتق الارقـاب يـوم المضوقـه=انا زبنتك وانـت سلـه سلاحـي
سلط على الحاجه لولها فضايـل=الهـا معاريـف علينـا كثـيـره
منها عرفت من الرجال الخصايل=وبدونها محد ن يعرف السريـره
اتخذت من قول العوارف دلايـل=واخترت من قول الشريف البريره
قد قال من بنـات فكـره مثايـل=دلايـل بالليـل الاظلـم منـيـره
وانا بعـد جربـت بيـن القبايـل=لقيـت ماقالـه حقايـق مثـيـره
يوم الرخا كل اصدقانـا جلايـل=يامكثر الاصحاب في كـل ديـره
ولكـن عنـد احتكـام المسايـل=هبوا ولا شفنا وراهـم سخيـره
الا خطات اللى يحـب الجمايـل=لكـرام نفسـه غايتـه وتعبيـره
مافيه جـود الا بكـره وملايـل=ولا فيه حق الا بحـد الشطيـره
والله جعل للصابريـن الفضايـل=جزا لها بالمعضـلات العسيـره
طلعه المرقـاب قـدام العشايـر=عندي احسن من فراش وسط فله
لـو تزيـن بالقـزاز وبالستايـر=وفرشوها بالذهـب مابيـه كلـه
غايتي ومناي مرقـاب الزبايـر=يم عـرق سبيـع والا مرقبلـه
مع سهاف الشول معطيت البراير=مبريات من المرض تسعين عله
وان عطت وادين نبتـه غرايـر=غرها الوسمي وسم الصيف عله
واستوى نبت الرفاع مع القراير=ناعم(ن) من طلعته ماحي حلـه
هو هواي وغايتي شف الفطايـر=عندهن والنفـس دايـم مسفهلـه
وفي هواهن ماحسبنـا للخسايـر=والرجاب اللى سكنا حدر ظلـه
خالق الاكـوان جبـار العثايـر=راج (ن) المعبود يغفر كل زلـه
والنجاه من الجحيـم ام العثايـر=يوم لا ظل يظلـل غيـر ظلـه
خويكم يابـو طـلال ارفقوبـه=في الطايره حتى يوصل محلـه
افرش له السجاد وابرح دروبه=وليا حصل لك فرصه الذيب قله
قله بعد فرقاه عينـي غضوبـه=قلبي معه من حيث مقفى يتلـه
قله ضعف عقلي وقلبي غدوبـه=ياشيخ قلبي ناشدن وش عملـه
قله دموعه غرقت جيب ثوبـه=دائم عيونه بزرق الماء تهلـه
قله قتيلك لاتحمل اذنوبه= قتيـل حبـن مـا حصـل مـن زلـه
قله ترا قتل البشر فيـه حوبـه=من يقتل المسلم يعاقـب جزلـه
قله ولو فيها عليكـم صعوبـه=حملن علينا منه واجـب يحلـه
قله يخاف الله ويـدى العقوبـه=من ذبحتي عجلن على غير مله
قله بعد بالسيف هبـت هبوبـه=يرحم ولا يقضي على البشر كله
انخاك بسمك ثم بسم العروبـه=اهل الشهامه والبيوت المظلـه
وليا حصل دقيقتيـن محسوبـه=روحي وما املك يابو غايب فدله
آمل أن يحوز على إعجابكم
منقول
| التوقيع |
للتواصل عبر twitter تويتر
al_bargawy@ |
« آخـــر الـــمـــشـــاركــــات »
24-Oct-2008, 12:37 AM
الشاعر : عبدالله بن خويتم العصيمي ..( ديوان )
العرض المتطور
