صوت وصدى (عبدالله العضياني \ عايض القوبع )

[عايض القوبع]

يقول عبدالله العضياني :::

اصبر على جور الهوى واكتم الشوق=والحب بلوى مايجي بآختياري
لاغبـت ياليـل الشقـا عقبـك اشــروق=اودعــــك يـالـيــل وابــــدا نــهــاري
كن السهر يرسم على الجفن والموق=للعـاشـق الـولـهـان مـلـيـون طـــاري
بـيـن الحنـايـا مابـقـي فـيــه مـعـلـوق=ياكود جرح ٍ مـن عنـا الحـب ضـاري
بعـد النـوى يغلـب علـى كـل مخـلـوق=والقلـب وسطـه مـثـل حــد الشـبـاري
خطـي تعثـر بيـن عـاشـق ومعـشـوق=والـبــث والارســــال لازال جــــاري
والـحـق لــو طـالـت ليالـيـه ملـحـوق=والمشكلـة لـن مــت مـااخـذت ثــاري
خلـي غدربـي واصبـح العهـد مبيـوق=واعلـنـت للعـتـبـان حـالــة طـــواري
تـكـفـون يـابـرقـا وتـكـفـون يـــاروق=نـاديــت يـاربـعـي وشـبـيـت نــــاري
حالي من فراق الغضي صار مرهـوق=وسـري تبـيـن واصـبـح الـكـل داري
معـاد يلمـع فــي سـمـا حـبـي بــروق=ومن الجفا جفـت غصـون الشجـاري
حتى الكرى مـن ناظرالعيـن مسـروق=والصبـر طـال وطـال مـعـه انتـظـاري
امـا افتحـوا بـاب ٍ مـن العـام مغـلـوق=ولا اقفـلـوه ولايـجــي لـــه مـــواري

والرد عليه ::

مريت مالي نيةٍ داخل السوق=لوفيه خلق الله يابايع ياشاري
ولمحت هاك الجوهرة وسط صندوق=ولا صرفها غير بنكٍ تجاري
صرافها الروقي أبو جذر واعموق =ماههو براع الهمهمة والهذاري
وقريت ماخطت يمينه عاى أوق=ووقفت لحظة للمزاج الحضاري
عاشق جزل وأهيم بالجزل وأذوق=وياكم سراني بسود المساري
وشكواك يالروقي لها ساس موثوق=من عصر عنتر لين عصر السداري
سما الهوى مزحوم به رعد وبروق=وجواريٍ يا كثرها من جواري
فرقا وهجر وبعد وأشواق واحروق=وأكبر عذاب العاشقين الغدراي
أما الصبر ولكل مطرود ملحوق=وما قدر المولى على العبد جاري
ولا نصيحة رجع الطاق مطبوق=فرقاه يانسل الليوث الضوراي
ادعس على قلبك وراسك على فوق =واصدر على البايق قرارٍ وزاري

آخر تعديل عايض القوبع يوم 28-Oct-2009 في 07:29 PM.