يالله طلبتك من مطر غر الامزان غازي بن دغيم

[ولد الهيلاء النفيعي]

بسم الله الرحمن الرحيم
السلام عليكم ورحمة الله وبكاته
هذي قصيده لشاعر غازي بن دغيم حفظه الله
قصيده غزليه يقول فيها
يالله طلبتك من مطر غـر الامـزان
ينشي من القبلـه نصوبـه مزابيـر
كنه خشوم طويـق نـوه اليـا بـان
سيله يشيل اغثاه فـوق الشناظيـر
حيمون سيله يدهج شعيب خضـران
حيثـه مـرب معـزلات الغنـاديـر
ياما يربـه مـن جهاجيـل غـزلان
خشـوف ريـم يدهلـن العثامـيـر
منهن بليت بحـب سحـاب الاردان
اللي عليه القلب يكفخ كمـا الطيـر
اللي شعاني شعيـت الركـب ذيـدان
ذيـدان عـزب رتعـوا فالمخاضيـر
واق الرقيبـه قـال هذيـك الالـوان
وقفـوا عليهـا مبعديـن المعاييـر
اتلى العهد به يـوم تلتـم الاضعـان
وقفوا وانا عينـي بذيـك المظاهيـر
اقفـوا وقفوبـه طليقيـن الايمـان
اهل الثنا واهـل الوجيـه المسافيـر
من دونه اللي فاللقى تـروي الـزان
لاجانهـار فيـه غــز القناطـيـر
راحوا وراح القلب والـروح تلفـان
وحنيت حنت مخلجات علـى ضيـر
حـل العصيـر وفارقنـي مسـيـان
الله لا يجـزا اخـر اليـوم بالخيـر
امسيت ممسى البين والطرف سهران
واصبحت اشرف عاليـات العناقيـر
اقنب كما يقنب من الجوع سرحـان
الصبـح جـاه وحاديتـه النواطيـر
غديت من فرقى النيا تقـل حيـران
ضاقت عليـه فجوجهـا والمعابيـر
منـازل فيهـا يهـلـن الاعـيـان
من حب اهلها بالدمـوع الشخاتيـر
احب واغلي من غلـى ذاك عـدوان
لو حربهم لي حرب جسـاس للزيـر
يلومني خبل امـن الحـب عجـزان
ما هو هـوى للـي ثمانـه مغاتيـر
ماله جدى الا يغـري فـلان وفـلان
وسط المجالـس بالسـب ومعاييـر
ويصورون العلم لو كـان مـا كـان
ويـزورون الحمـل بوساقـة غيـر
ما ولعتهـم سجـة بعـض الاحيـان
تبري الهموم الـواردات المصاديـر
وانا المولـع لـو يقولـون غلطـان
ما طيع ومثلي ما يطيـع المشاويـر
ما ينعذل فـي واحـد حبـه جنـان
حبه يشقـر ثومـة القلـب تشقيـر
غرو عيونه حطـة القلـب نيشـان
لا حققت ترمـي سهـوم المقاديـر
ولا هوب يرحم لا رحم منـه جـدان
ياخـذ ولا يـدي ولا لـي مثاويـر
يا ليت عرفه مـا تصـور ولا كـان
ما رتحت من شوفه ولا رفقه خيـر
تمت وصلى الله على نسـل عدنـان
ما لعلع القمـري بـروس العناقيـر

[عبدالله هادي ناشي الفليت.]

صح لساااااانه ولسانك

ومشكور ولاهنت



ممكن تعلمنا مين غازي بن دغيم >>>>يقول انت مهتم فيه واجد..!!




تحياتي

[ابن صنهوت]

صح السانه ولاهنت ياولد الهيلا

[ولد الهيلاء النفيعي]

عبدالله الفليت وابن صنهوت
لاهنتوا على المرور

[عبدالله هادي ناشي الفليت.]

لأاهنت على صفط سؤالي..!!

[ولد الهيلاء النفيعي]

عبدالله هادي الفليت
مشكور على المرور بس انا ماطنشتك
لاكن انت سالة سوالين سوال يحق للواحد الجواب عليه وسؤال ماله داعي وعتبره لقافه
السوال الاول من غازي بن دغيم غازي شاعر معروف يضربه المثل في الشعر وشاعر يحبك البيت حبك
ولا يصعب عليه الشعر ويعتبر الحين من افضل شعار الجزيره العربيه ومن كبارهم وله دواوين ولقات في التلفزيون وهو اشتهر بالكرم والجود والصقاره وهذي نبذه عنه بسيطه ترا
اما سوال الثاني انت مهتم فيه واجد على كيفي محد يمنعني من اسمع ومن وماسمع وكل واحد عند ذوق ونظره مختلفه عن الثاني
وفي الاخير اشكرك على المرور

[عبدالله هادي ناشي الفليت.]

طيب انا حبيت اعرف اسمه فقط..

ولاتعصب علينا ترى االامور بسيطه..

يوم اقولك مهتم فيه واجد , ترى امزح معك ..!!



الدنيا ماتسوى الزعل يالذيب..!!




تحياتي

[ولد الهيلاء النفيعي]

مشكور على المرور