سلطان بن دحيم .. صباحك فل

[سـعـد الـعـصـيـمـي]

الرويس اليا اصطغى راسه وطاح العقال=ينطل البسام الابيض على طاقيته ..
يسمع الاخبار فالصبح ويشد الرحال=ومع صلاة العصر يرجع ويسكن فيته .. !!

آخر تعديل سـعـد الـعـصـيـمـي يوم 25-Oct-2009 في 01:18 AM.

[سلطان بن دحيم]

لاتقوله وانت حولك كثير من الجدال = وكل واحد له نصيب الاسد من نيته
البلا فاللي ما يقدر يروح عن الضلال = والكتيب ما لقينا خبر في طيته

[عقاب العنزي]

صحة الالسن والقلوب


..

[سلطان بن دحيم]

عقاب صح بدنك

شرفتنا

[سـعـد الـعـصـيـمـي]

الله الله ..

الجدال جدال وان طال ماحقق محال=انبكا النمرود ما أبكى القلوب الميته ..!!
اتهقوى فيكم الخير من ماضى الليال=واثر دااب الغار مايختلف عن حيته

[سـعـد الـعـصـيـمـي]

عقااب العنزي

حياك الله

شرفتنا طال عمرك

صح بدنك

[سلطان بن دحيم]

الجواب اقنعك وازعلك يا راع السؤال = والجنوبي تقل مخلوق مع جنبيته
ما تضيع الهقوه الطيبه عند الرجال = وكل مجنون(ن) قرينا على جنيته

[سـعـد الـعـصـيـمـي]

انت تبحر فالسفينة على بحر الخيال=وراح قلبك لعبتن في يدا حوريته
الحطيئه عاقب الجن في روس الجبال=وانتهى منهم وعود على شخصيته

[سلطان بن دحيم]

انت تاجر يالعصيمي وعندك راس مال = مير الك سوق(ن) لحاله والك ملكيته
ناصر الفراعنه كل ما جاله مجال = قمت افكر في كلامه ووصف مطيته

[سـعـد الـعـصـيـمـي]

الله الله ونكمل في وقت اخر الان ابطلع للدوام واشغلناك معنا وحنا مشغولين

ياهل البطحا سلعكم على قرش وريال=واكبر التجار ماتنعرف جنسيته
الجمال اللي تهادر على صوت الجمال=ماعترضها راعي الحره وحريته