سلام الله على شعار ساحة منتدى العتبان

[الصقطري]

سلام الله على شعار ساحة منتدى العتبان=عدد مالاح براق المخايل في منشيها
انا عندي بضاعه غاليه والسوق كالميدان=بضاعه والبضاعه وين بايعها وشاريها

آخر تعديل الصقطري يوم 22-Oct-2009 في 02:57 PM.

[مرجح الميزان]

هلا يا مرحبا بك في حلال تكرم الضيفان=عتيبه قيل حاضرها يسولف عنه ماضيها
تهرج يالصقطري بالحقايق ..واللسان حصان=وحذرا لا تكون اللي يكحلها ويعميها

[ولدعساف]

المشاركة الأصلية كتبت بواسطة الصقطري

سلام الله على شعار ساحة منتدى العتبان=عدد مالاح براق المخايل في منشيها
انا عندي بضاعه غاليه والسوق كالميدان=بضاعه والبضاعه وين بايعها وشاريها

صــــــــــــــــ لسانك ــــــــــــــح

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها

[ولدعساف]

المشاركة الأصلية كتبت بواسطة مرجح الميزان

هلا يا مرحبا بك في حلال تكرم الضيفان=عتيبه قيل حاضرها يسولف عنه ماضيها
تهرج يالصقطري بالحقايق ..واللسان حصان=وحذرا لا تكون اللي يكحلها ويعميها

صــــــــــــــــ لسانك ــــــــــــــــح

[الصقطري]

استلم

يدوم الك البقا يالي ترحب والكريم معان=وهاذي عادة العتبان والضيفان تقريها
انا بنشدك عن ميزان يالي ترجح الميزان=اله عشرين كفه فالبلد والفين كانيها

صحت ابدانكم جميع

[مرجح الميزان]

نقول النعم في طيور الفضا ترقا بها الجنحان=لو إن الفرق في سبق الطيور وفي مواريها
ما دام النور من دونه على قول المثل دخان=على قدح الزناد ارخي شويه يا مراميها ..!!

[مرجح الميزان]

بعد اذنك يالصقطري خرووووج اظطراري والوعد الساعه تسع ..

[الصقطري]

من ايات الطيور انته مدامك طار ابن برمان=ومنهو يحفر الحفره لزوم انه يقع فيها
اخذ مني نصيحه مصفطيه قفل الدكان=وكب السوق لهل السوق ماتعرف تقاديها

طيب يخوي مرجح الميزان

[مرجح الميزان]

..

عجايب يالزمان اللي يدين مطمر الجرفان=تبا تاصل يدين الحر في جوه وتلويها
ما دام انك رسمت اللوحه البيضا بدون ألوان=أبا أضحك كل ما لدت عيوني في نواحيهاا ..!

[مرجح الميزان]

حياك الله يا ولد عساف