 |
|
|
اختيار تصميم الجوال
 |
 |
 |
|
|||||||
 |
 |
 |
 « آخـــر الـــمـــشـــاركــــات » |
 |
| أدوات الموضوع | انواع عرض الموضوع |
|
|
|
|
26-Sep-2009, 06:56 PM
|
رقم المشاركة : 1 | |||||
|
معـذور لو جيت أعتذر غيري تعـذر وأنعذر
جيت آتظـلّـم وأطلبك ياخوي في لفت النــــظــر¿¿ (هل تنصف المظلوم من ظلـم الزمان اللي وطـــاه ¿¿  معـذور لو جيت أعتذر غيري تعـذر وأنعذر ما أخطيت لكن الزمـان أخطى وحمـًّلني خطاه حقْ" علي أصبر ومن يصـِبٍّر على شي ظفر والصبر لو فيه المراره من ملذات الحياه على سفينة حبكم ظميان في عرض البحر! هبـّت عليه العاصفة ثم أنتثر ماعون مـاه بين البداية والنهاية لا إتجاه ولا مفر يقبل ويقفي يستدير بدون وجهه وإتجاه والموت قام يدرج التابوت لأبواب القبر والموج غاضب والكفن منسوج بخيوط الوفاه يبـّس شفاياه الظما واذا تصبـّر ماقدر وإذا شرب من ماء البحر زاده ظما على ظمـاه قطع رجاه من الحياه وبـرّكه حكم القدر بارك كما يبرك بعير ٍشال حمل ٍ ماقواه! وحارت بعينه دمعته لو جات في صلد الحجر ذاب الحجر كما يذوب الكحل في عين الفتاه ماهوب ودّه يلفظ أنفاسه ولا حوله بشر إمـّا صديق ٍ بيـَّحه ولا ولد عم بكـاه ولاّ عفيفات ٍ يقـرّنْ الجيوب من القهر هذي رمت عنها القناع وذي رمت عنها العباه على ظهر سفينته يطوي مسافات العمر مستوحش ٍ! وحشة نبي الله يونس في دجـاه فجأه وهو ساهي خطف عينه سنا برق ٍ ظهر يبرق على بعد المدا ويلوح فالغبـّة سناه وحـّنت مباكير الرعود وهب نسناس المطر ريح المطر يطرق وريده والسحب غطـّت سماه وأسقاه ربي من سحابه وأنجلى عنه الضجـر وشرب وصـدّر وأرتوى وأبحر على درب النجاه أديب ومغامر وشاعر له مع الذكرى عبر يسرد مسلسل قصـّته للي وراه من الرواه لاحظ على بياض ثوبه نقطتين ٍمن حبر هاضت شجونه مد كفـّه للقلم جرد غطاه تذكرك ياظامر السرجوف ياترف النحر يا غايته ومناه في دنياه ياشمعة هواه أنت السفينه والبحر إن جاك علمي والخبر أنت الظما والماء بليـّا شك وبدون إشتباه البارحة لك وأمس لك واليوم وأيام الدهـر الليل ليلك والنهار يشعْ من خـدّك ظياه ياوردتن تحمل علي طياتها سحر وعطر أنت الذي ربّي على كل المزايين أصطفاه وأنت الذي طيفك يسامرني على ضوح القمر أوسّـدهـ يمناي وأقلب صفحة الذكرى معاه وقّف ترى عمري بدونك يابعد عمري هدر ولا تعال آودّعك وأكتب معك لأهلي وصاه وصاة مجنون ٍ قضى نحبه وهو يهذي شعر يهذي بحب اللي غرس رمح المحبة في حشاه ياونتي ونة كسير ٍوعظم ساقه ماجبر وإلاّ ونين العبد! اللي طاردينه عن عشاه ياما عليك آجر ونـّات العشايا والفجر وأبكي كما يبكي يتيم ٍ يكسر الخاطر بكاه! ياخوي انا جيتك رجاوي أعتذر عن مابدر أصفح عن المذنب ولا تسمع دعايات الوشاه وانا حصان ٍطمرته تعجب عيونك لو عثر! يصهل صهيل العزْ والطـرّاد مايلحق مداه هذا وانا ياخوي جيتك وأطلبك لفت النظر هل تنصف المظلوم من ظلم الزمان اللي وطاه؟؟! ************************************** |
|||||
|
|
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
 |
العرض العادي
