وأختامها تقدير.. تقدير.. تقدير.. !!

[عايض بن زوير]

بكل الود أضعها أمامكم

والمكسب

بلا شك

رضاكم

,,

ياللي تقول منين يالله عسى خير=مدري جهل ما قلت ولا غشامه
لكن تركد ,واعقد السير بالسير=واسمع جوابي لين ياصل تمامه
من لابة فيها تحير التعابير=حتى فصيح القول يعجز كلامه
من لابة لا هب عج ومعاصير=تارد على الهيجا ,,برمح الشهامه
من لابة لا ضاق درب المعاسير=شرابة الفنجال برد وسلامه
بالمختصر حنا فعرف المناعير=روس العرب لا قيل وين الزعامه
مقاطي ولا تكثر عليك التفاكير=شفت الجمل شقران حنا سنامه
حنا هل الطاله طوال الشوابير=حنا عذاب اللي تغشه حلامه
حنا هل الفزعات حنا الشواهير=حنا صلاح الكون حنا عدامه
وحنا ليا جات الحميا دوافير=نفزع ولا نعرف طريق الندامه
أميرنا ابن حميد شوق الغنادير=فيصل حزام النا وحنا حزامه
لا جا نهار فيه ورد ومصادير=ولا نهار فيه مثل الرغامه
يشر لنا فيصل مع الجو ونغير=حر شهر,, وادمى جناح الحمامه
في نجد ولا في حجاز المذاخير=هداتنا من فوق حد الغمامه
أطلق شنب فينا يهز الطوابير=وأصغر شنب فينا.. يعاف الرخامه
من فعلنا يلقى عشا الذيب والطير=ومن فعلنا العالي يحول تهامه
بعض العرب يكفيه منا بواكير=وبعض العرب فوقه تحول خيامه
خوينا يلقى على الطيب تقدير=وقصيرنا دايم رفيع مقامه
وطليبنا لو طب في جمة البير=أما طلع ولا عليه أنهدامه
وخصيمنا لا حل وقت التدابير=يجفل من الراعه سواة النعامه
وليا جفل ماهوب مجفل على خير=يشوفنا كابوس حزة منامه
فينا كرم حاتم,, وفينا من الزير=شجاعة تاصل لحد الهيامه
انقلط الضيفان صفر المباهير=وتاخذ على حق الضيافه كرامه
وأصغر ولدنا لا نصوه المسايير=من طنخة فالراس طش العمامه
هذي عوايدنا ولا هي بأساطير=وينبيك عن فعل المقاطي علامه
تشهد لنا قحطان مع حرب ومطير=ويشهد لنا شرق الجزيره وشامه
ويشهد لنا التاريخ قول وتحرير=برواية تروى ليوم القيامه
أمدح بني عمي وأصوغ التصاوير=ومدحة بني عمي عليه الزامه
وكان الشعر ما جا فيهم قناطير=والله لتوب اليوم وأعلن حرامه
وختامها تقدير.. تقدير.. تقدير=وكل"ن" على ماقيل اله احترامه

[سعود العصيمي]

أميرنا ابن حميد شوق الغناديـر
فيصل حزام النـا وحنـا حزامـه
لا جا نهار فيـه ورد ومصاديـر
ولا نهـار فيـه مثـل الرغامـه
يشر لنا فيصل مع الجـو ونغيـر
حر شهر,, وادمى جناح الحمامه
في نجد ولا في حجاز المذاخيـر
هداتنا مـن فـوق حـد الغمامـه
أطلق شنب فينا يهـز الطوابيـر
وأصغر شنب فينا.. يعاف الرخامه



عايض المقاطي


والله ومليووووون نعم


بالمقطه وبعتيبه كلها بدون تخصيص


صح لسانك وبيض الله وجهك على هذه القصيده الرائعه

التوقيع

اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا. ماني على قربه شفي والاّ على بعده شفوح = الله خلقني مااعترض من صد من كل الملا.

[فيصل المسعودي]

صح لسانك يالمقاطي

والله ونعم في المقطة وعتيبة كافة

بيض الله وجهك يالغالي

وفي إنتظار جديدك

تحياتي

[فهيد مقعد الرويس]

صح السانك

ياعايض

ونعم بالاد الكريزي

وبعتيبه عموم

تقبل تحيتي وتقديري

[عبدالله الجـــذع]

صح لسانك على هالشامخه ولافض فوك

بيض الله وجهك..

ننتظر جديدك يالداهيه..

محبك

,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[مرزوق حمدان العتيبي]

..
,
فينا كرم حاتم,, وفينا من الزيـر
شجاعـة تاصـل لحـد الهيامـه
انقلط الضيفان صفـر المباهيـر
وتاخذ على حق الضيافه كرامـه
وأصغر ولدنا لا نصوه المساييـر
من طنخة فالراس طش العمامـه
هذي عوايدنا ولا هـي بأساطيـر
وينبيك عن فعل المقاطي علامـه
تشهد لنا قحطان مع حرب ومطير
ويشهد لنا شرق الجزيره وشامه
ويشهد لنا التاريخ قول وتحريـر
بروايـة تـروى ليـوم القيامـه

...
عايض يعلم الله اني حاولت اختار الافضل ...
ولكن وجدتها كلها كتله من الابداع ...
فتخيرت اختيار عشوائي هذه الابيات ...
لله درك وونعم بربعك يستحقون المدح ...وقليل في حقهم..
..
تقبل اعجابي وودي واحترامي ...
...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[عبدالرحمن الهيلوم]

صح السانك قصيده حملت الابداع والجزاله

[أبو نجر النفيعي]

..

الله اكبر الله اكبر

صح لسانك واعتلا شانك يابو زوير ..

ونعم والله في المقطه وفي عتيبه كافه ..

قصيده جزله من راس جزل .. وفي انتظار جديدك يالغالي ..



أخوك

التوقيع

.....

[الرأي الآخر]

صح لسانك واعتلى شأنك .... والله مدري وش أقول ... بس(ونعم ..ونعم... ونعم..)

بآلاد الكريزي ...


.
.
ونعمن .. ابك يابن زوير ...

فهذه القصيدة الجزلة .... ماتجيء إلا من جزل .. وفقك الله ،،

[السميــــــري]

عايض .. !
ماشاء الله على هذا الابداع ..

أنعم وكرم . .

صح لسانك ..