تفضل ياعقاب لاهنت....؟

[عبدالله القريشي]

ياعقاب ياكثر المشاكل ولانشاب = ويا كثر ما يجري على الناس جاري
أهل البلد وسط البلد صارو اغراب = غصباً بليا طيب غير اختياري

[عقاب العنزي]

هلا ومرحبا المعذره عن التأخير طلعت ولاانتبهت لطاروقك بنزل بيوتي ونكمل غدا ً ان حيينا لقرب صلاة
القيام

للخير طلاب ٍ وللشر طلاب = وين الرساله يالقرار الوزاري !!
إل كل حاجه يالقريشي لها اسباب = وانته عن الاوضاع منته بداري

[عبدالله القريشي]

القمه الي بين ذا الضرس وناب = تلقاء خبرها في صحيح البخاري
خمسين عامن بين خاين ونصاب = مابين سوامن وبايع وشاري

[عقاب العنزي]

ودك تشب النار وتثور الاحزاب = ولاّ انا بالشر ماشب ناري
ماقول لك صادق ولا اقول كذاب = للاهل الردى والطيب تلقى مواري

[عبدالله القريشي]

باشب ناري وانت لنار شباب = والحق بيين ماذرته الذواري
حذف الحصا ياعقاب في وجه دباب =ومال الحزم فالامر ياعقاب طاري

[محمد صالح العطاوي]

القريشي

عقاب العنزى


صحت الالسن

مبدعين

لاهنتو علي هالطاروق


تحياتي

[الحوووووت]

الله الله الله أبداع في أبداع صحت الالسن القلووووووووووووووب

[عبدالله القريشي]

محمد صالح العطاوي صح بدنك
الله لا يهينك
وبيض اللهوجهك

[عبدالله القريشي]

لاهنت ياحووووت
كلك ذوووووووووووق
الله يعطيك العافيه

[عقاب العنزي]

عبدالله اللي ينتخي فعل الاصحاب = يبغى يضد الطايره بالشباري !
روس العرب امست يابو عابد اذناب = كثّر من المندي ورز البخاري