ياعقاب ياكثر المشاكل ولانشاب = ويا كثر ما يجري على الناس جاري
أهل البلد وسط البلد صارو اغراب = غصباً بليا طيب غير اختياري

للخير طلاب ٍ وللشر طلاب = وين الرساله يالقرار الوزاري !!
إل كل حاجه يالقريشي لها اسباب = وانته عن الاوضاع منته بداري

القمه الي بين ذا الضرس وناب = تلقاء خبرها في صحيح البخاري
خمسين عامن بين خاين ونصاب = مابين سوامن وبايع وشاري

ودك تشب النار وتثور الاحزاب = ولاّ انا بالشر ماشب ناري
ماقول لك صادق ولا اقول كذاب = للاهل الردى والطيب تلقى مواري

باشب ناري وانت لنار شباب = والحق بيين ماذرته الذواري
حذف الحصا ياعقاب في وجه دباب =ومال الحزم فالامر ياعقاب طاري

عبدالله اللي ينتخي فعل الاصحاب = يبغى يضد الطايره بالشباري !
روس العرب امست يابو عابد اذناب = كثّر من المندي ورز البخاري