عتابه عزوة دائم علم عدوانها منكوس - الهيـــــــــــــلا *** منتدى قبيلة عتيبة

سعود العصيمي · 17-Sep-2009, 10:41 PM

السلام عليكم ورحمة الله وبركاته
اخواني الكرام
اعضاء منتديات الهيلا
اهديكم هذه القصيدة والتي كتيتها في الزميل الرائد / عبدالعزيز بن صالح التميمي اترككم معها

أنا مملك تجارة غيرفعل الطيب والناموس = وفعل الطيب والناموس ماهو شرط بفلوسي
زمانٍ فات يوم إن العرب مابين دوس وحوس = كثيرالناس لاشلفا ولاسيفٍ ولاموسي
على الطيّب علاماتٍ مميزته عن الدنفوس =شجاعة راس قوة باس مذّكورآ بناموسي
كريمٍ يكرم اللافي وعرفه ينشري بفلوس = على قول المثل عرفه تجاره يرفع الروسي
لكن الوقت دار ولارحم ريّس ولا مريوس = ومن دورة رحاته عوّد النبراس كريوسي
وهاذي قدرة الله يوم راع الموس حد الموس = وغيّر منهج الطيّب واضر بكل سنعوسي
اراد الله واشاء يجمع عيال البوم بالقرنوس = ولو البوم بوم ولايقارن له بقرنوسي
هذا فيما مامضى واليوم صار الطيب بالمعكوس = رفيق الطيب ابو جيبٍ من الخيرات متروسي
سلام الله على رجل ٍ نعده من كبار الروس = لياعدت كبار الروس يحسب فاول الروسي.
زميلٍ من تميم اللي يدوسون المعادي دوس = ليا حمي الوطيس وعوّت في حربٍ شروسي
حكيم ياخذ ويعطي العوارف فالزمان دروس= دروسٍ تغني اللي مادرس في كتب وادروسي
دروسٍ من دروس الطيب والواقع لها قاموس = لها قاموس بالناموس ماهي درس هندوسي
بعد مادق هاجوس الضمير وحرك الهاجوس = مدحته وامدحه لادق بي فالصدر هاجوسي
وانا ماني بمخطي لو اسطر لي كتب واطروس = بمدح مكملين الواجبه ماتكفي طروسي
وأنا من روس قوم تقلع الاخصام قلع ضروس = هل السيف الحدب واهل القنا ماهم هل الفوسي.
عتابه عزوة دائم علم عدوانها منكوس = بحد السيف والاّ بأم تيجااانٍ و نادوسي

التوقيع

@ـايل · 17-Sep-2009, 10:47 PM

ياسلاام يابو طايل

لا نستغرب الجزاله منك فأنت أهل لها..

صح لسانك مدد مدد ..

والمزيد من القصيد ..

.....

سعود العصيمي · 17-Sep-2009, 10:55 PM

ماعليك زوود
ياهايل
وصح بدنك وقلبك
ولاهنت على المرور

شبل الغدرى · 18-Sep-2009, 01:50 AM

وأنا من روس قوم تقلع الاخصام قلع ضروس
هل السيف الحدب واهل القنا ماهم هل الفوسي.
عتابه عزوة دائـم علـم عدوانهـا منكـوس
بحد السيـف والاّ بـأم تيجـااانٍ و نادوسـي

بيض الله وجهك وصح لسااانك وسلمت بناك
ولاهوغريب الطيب على الطيبين
تقبل شكري وتقديري يابو طااايل.

محمد العتيبي · 18-Sep-2009, 01:57 AM

زمانٍ فات يوم إن العرب مابين دوس وحـوس
كثيرالنـاس لاشلفـا ولاسيـفٍ ولامـوسـي
على الطيّب علاماتٍ مميزتـه عـن الدنفـوس
شجاعة راس قوة بـاس مذّكـورآ بناموسـي
كريمٍ يكرم اللافـي وعرفـه ينشـري بفلـوس
على قول المثل عرفه تجاره يرفـع الروسـي
لكن الوقت دار ولارحـم ريّـس ولا مريـوس
ومن دورة رحاته عـوّد النبـراس كريوسـي
وهاذي قدرة الله يوم راع الموس حد المـوس
وغيّر منهج الطيّـب واضـر بكـل سنعوسـي
اراد الله واشاء يجمع عيال البـوم بالقرنـوس
ولو البـوم بـوم ولايقـارن لـه بقرنوسـي
هذا فيما مامضى واليوم صار الطيب بالمعكوس
رفيق الطيب ابو جيبٍ من الخيـرات متروسـي

يا سعووود الله يبيض وجهك .. هذا اللي اقوله بس ..

التوقيع

للتواصل عبر twitter تويتر

al_bargawy@

عمر الدغيلبي · 18-Sep-2009, 02:22 AM

الله أكبر عليك يا سعود

وبيض الله وجهك وصح لسانك

والله أنك مبدع في النظم ماهو بس فالمحاوره

ومحرمنا من قصايدك الله يهديك

لا تبطي علينا بالجديد

احترامي